DILI, STLTIMORLESTE.com – Prezidensia Republika realiza Hand Over husi Xefe Kaza Sivil tuan ba Xefe Kaza Sivil foun iha Palasiu Prezidensial.
Bainhira remata Hand Over, Xefe Kaza Sivil, Henriqueta Maria da Silva ba jornalista sira iha Palasiu Prezidensial, Tersa (18/02/2026) hatete, agradese ba Maromak ba grasa neebe haraik ona no ohin nee Hand Over husi Xefe Kaza Sivil Sesante aktual Visi MNEK Sejuina Maria iha tinan hira liu ba ohin entrega fali ba nia.
“Ohin Hand Over husu sua exelensia Visi MNEK neebe sai Xefe Kaza Sivil iha tinan hira liu ba Hand Over fali mai hau neebe foin no nomeada hanesan Xefe Kaza Sivil, nee parte ida husi responsabilidade knaar idak-idak nia, aumenus tempu hau mos ohin Hand Over ba Adjunta nomeada nemos parte ida husi responsabilizasaun knaar idak-idak nia,” dehan Xefe Kasa Sivil.
Xefe Kaza Sivil hatete, ida nee primeira vez koko halo ida nee para mantein ritmu sira prezidensia ba oin.
Nia dehan, programa sira nafatin ho programa Prezidensia nian, sira neebe tradus Vizaun Prezidente Republika tanba nee la halo buat foun anaunser iha instrusaun ruma husi Prezidente Republika bazeia ba Dezenvolvimentu PR.
Nunee mos Ajunta Xefe Kaza Sivil, Graziela Fatima Liu Soares hatoo agradese ba Prezidente Republika Jose Ramos Horta neebe fo ona komfiansa ba nia hodi assume kargu nuudar adjunta Xefe Kaza Sivil.
“Hau agradese tebes ida nee laos oportunidade mai hau, maibe nee responsabilidade boot ida mai hau atu halao nia knaar ho diak, ita hotu hatene katak Prezidente Jose Ramos Horta ema ida servisu la hatene oras, la halimar, neebe hau fiar katak hau sei lidera husi Prezidensia Republika nomos hamutuk ho Xefe Kaza Sivil mana Henriqueta, ita iha esperansa katak hela tan mandatu tinan 1 ho balun bele remata ho diak,” katak Adjunta.
Iha biban nee Adjunta mos hatoo agradese ba Xefe Kaza Sivil sesante atual Visi Ministra MNEK ba obra neebe husik hela, koko atu kontinua obra refere, no buat neebe ladiak koko hadia hamutuk no buat diak kontinua, ho estrutura Prezidensia Republika ho forte no diak.
Nunee Xefe Kaza Sivil sesante aktual visi MNEK Sejuina Maria Ferreira hatete, pratika ida daudaun halo nee diak ida ba instituisaun publika ka privadu sira atu hatudu katak maske mudansa ema maibe tenke asegura funsionamentu husi instituisaun, tanba nee tenke halo Hand Over.
“Xefe Kaza Sivil ho adjunta nee sira nain rua laos ema foun ida durante nee sira mos serbisu hamutuk ho hau hodi fo apoiu ba Iha Prezidente, durante mandatu hau nia tinan 2 fulan hitu Iha servisu barak neebe halo tiha ona nee hanesan legado ida neebe ekipa nee husik hela ba Iha Prezidensia,” katak CCC Sesante.
Nia mos hatoo mensajen ba estrutura foun CCC ho adjunta tanba iha programa lubuk ida Iha tinan ida nee nia laran tenke halo tuir liu liu tenke haree mos planu Asaun anual neebe halo ona inklui orsamentu Iha laran atu asegura nia ezekusaun nunee bele atinzi persetajen hanesan tinan 2 kotuk.
(eme)
