DILI, STLTIMORLESTE.com – Prezidensia Republika (PR) garante ezekusaun Orsamentu Jeral Estadu (OJE) ba tinan 2026 sei ezekuta ho diak.
Kestaun nee hatoo husi Xefe Kaza Sivil, Henriqueta Maria da Silva ba jornalista sira, bainhira remata serimonia Hand Over iha Palasiu, Tersa (18/02/2026) hatete, sei garante ezekusaun Orsamentu Jeral Estadu iha Prezidensia Republika lao diak.
“Konserteza nee responsablidade no oportunidade tanba responsablidade ami tenke halo posivelmente atu garante ida nee, hau mos hola parte hela husi prosesu sira liu ba ekipa sira barak mantein hela entau ami sei tenta posiblidade tomak para mantein ritmu ida nee,” dehan Xefe Kaza Sivil.
Xefe Kasa Sivil ho nia ekipa nafatin buka halo servisu ho diak tuir ritmu neebe mak iha ona, nunee bele mantein tuir ezekusaun neebe antes halo ona.
“Ezekuta tuir ka lae mos ita boot sira hatene sua exelensia Prezidente Republika nee laos ema ida neebe ke babain maibe ema ida neebe serbisu lais tenke serbisu ho professional tenke serbisu ho on time nee katak kave ba ami, ami tenke obrigatoriamente tenke kontinua ritmu ida nee,” katak Xefe Kaza Sivil.
Entau signifika katak Xefe Kasa Sivil sei garante Ezekusaun Orsamentu Jeral Estadu tinan 2026 lao ho diak? Hatan ba kestaun nee Xefe Kaza Sivil hatete, sim klaru tanba ho esplikasaun neebe nia esplika tenke garante duni tanba kondisaun neebe Prezidente Republika preve ona “Hanorin ona ami estrutura iha palasiu ida nee tenke lao ba oin nafatin tenke kontinua ho ritmu ida neebe labele halimar,” katak Xefe Kaza Sivil.
Nunee mos Xefe Kaza Sivil Sesante atual Visi Ministra MNEK, Sejuina Maria Ferreira hatete, ezekusaun orsamentu iha palasiu Prezidensial iha 2024 %96 no tinan 2025 %98.
“2024 Ita nia persetajen 96% intermus de ezekusaun orsamentu Iha 2025 98% tenke asegura nafatin para Prezidensia nia ezekusaun tuir PAA neebe Iha ona,” dehan Xefe Kasa Sivil sesante.
Xefe Kaza Sivil husu estrutura atu kontinua ezekusaun nee ho diak boas pratika neebe durante nee halo kontinua nafatin ou bele melora diak liu tan.
“Ida nee mak hau nia mensajen ba sira Nain rua maske hau muda ona ba MNEK maibe hau prontu nafatin atu fo apoiu ba sira Nain rua se sira presiza hau prontu atu fo apoiu ba sira para asegura Prezidente nia mandatu neebe hela deit tinan 1 fulan 2 neebe bele konklui ho diak,” katak Xefe Kaza Sivil sesante.
(eme)
