DILI, STLTIMORLESTE.com – Prezidente Republika (PR), Jose Ramos Horta promove tebes feto iha Prezidensia Republika.
Maske oras nee Governu no Sosiedade Sivil luta makaas oinsa hasae numeru feto iha intituisaun Estadu no Privadu, maibe nivel foti desizaun sei menus tebes kompara ho mane, maibe iha Prezidensia Republika promove tebes feto.
Kestaun nee hatoo husi Visi Ministra Negosiu Estranjeiru no Koperasaun MNEK, Sejuina Maria ba jornalista Bainhira Remata Hand Over iha Palasiu Prezidensia Nicolau Lobato Bairo Pite, Kuarta nee (18/03/2026).
Nia hatete, Prezidente Republika promove tebes feto.
“Hanoin Ita hotu hatene katak Prezidente ema Ida neebe ke promove Direitu Feto nia tanba nee mak Ita boot sira haree estrutura uluk mos feto Nain tolu agora mos feto Nain tolu nafatin hau mak sai maibe sira Nain tolu nafatin,” katak Visi MNEK.
Visi Ministra hatoo Agradese ba Prezidente Republika Republika Jose Ramos Horta neebe promove feto liu liu Iha vida politika, administrasaun nomos Iha area seluk.
“Ida nee Pratika neebe diak tebes kompara ho fatin seluk ita haree partisipasaun feto liu liu iha vida politiko administrasaun nomos area seluk nee sei menus, neebe prezidente halo ona buat diak ida hodi promove feto atu nunee feto mos bele kontribui iha desizaun laos deit partisipa iha serbisu maibe liu liu iha nivel atu halo desizaun iha instituisaun nee rasik,” katak nia.
Nunee mos Xefe Kasa Sivil Henriqueta Maria da Silva mos hatoo agradese Prezidente Republika nia komfiansa ba nia, uluk tau komfiansa nuudar adjunta agora ba Xefe Kaza Sivil ida nee responsabilidade boot tenke asume hodi prova ba Prezidente Republika katak gabinete ida nee sira jere hodi apoiu no hamenus todan.
“Ami tenke kompretida ba Prezidente Republika katak ami hodi rejultadu ba Prezidente Reopublika ami hanoin katak serbisu hamutuk hamutuk nafatin hanesan ekipa ho adjunta ho Diretora Jeral maske Xefi sesante husik ona buat barak agradese ba ida nee ami kontinua buat neebe husik hela mai ami, ami hanoin katak sei iha tan buat balun neebe halo liu buat neebe iha tui rami nia kapasidade ami sei kontinua sei prova katak ekipa sei solidu nafatin nuudar feto ami prova laos atu sai kompetisaun ba mane maibe sai provas ida katak ami feto mos bele lidera iha nasaun ida nee,” dehan Xefe Kaza Sivil.
Nia akrezenta tan katak, maske feto maibe sira sei hatudu prova ba Prezidente Republika nomos sosiedade katak feto mos bele lidera nasaun ida nee tuir kapasidade neebe iha.
(eme)
