DILI, STLTIMORLESTE.com – Estudantes husi Eskola Sekundariu Jeral nu. 4 Setembru Balide hamutuk 1.732 sei partisipa iha ezame primeiru periodu no tuir planu aban Sabadu sei halo enkontru ho profesores hodi kria komisaunorganizadora.
“Kona-ba ezame nian, aban Sabadu ami enkontru hodi koalia kona-ba ami nian preparasaun, tuir numeru estudantes neebe mak legalmente nee iha 1.732, numeru estudantes ida nee mak sei partisipa iha ezame primeiru periodu, ida nee tuir lista neebe mak orijin, karik iha ezame ninia laran mak la too, ida nee signifika dehan balun iha problema, ida nee ita la hatene, depois mak ita foin haree,” dehan Diretor ESJ nu. 4 Setembru Balide, Sergio A. da Cruz ba STL iha Balide, Sesta nee (20/03/2026).
Sergio dehan, kona-ba pontus ezame ninia, sira seidauk prepara, tanba aban Sabadu sira foin halao enkontru ho profesores sira, nunee sira bele kria komisaun organizador ba iha ezame ninia. Agora kona-ba sala neebe atu uza ba iha ezame nee sei problema, tanba sala ualu mak sai risku ba inundasaun.
“Sala mak sei problema hela ho inudasun nee, tanba ami nian sala ualu mak sai risku ba inundasaun iha tempu udan, tanba bainhira udan, sala ualu nee sai risku ba iha inundasaun ninia, bainhira enkontru hotu mak profesor sira sei prepara pontus ezame ninia,” nia dehan.
(jac)
