BAUKAU, STLTIMORLESTE.com – Komunidade Musulmanu iha Munisipiu Baukau selebra loron Idul Fitri 1 Syawal 1447H iha Masjid Al-Amal Baukau no termina jejun loron 30.
Diretor fundasaun An-Nur Filial Baukau, Muhammad Carlos B. da Costa Soares esplika, selebrasaun loron Idul Fitri Syawal 1447H nuudar loron importante ba komunidade Musulmanu sira iha mundu, neebe komunidade Musulmanu sira iha Baukau selebra loron refere ho jejum hahu husi loron 18 Fevereiru too loron 20 Marsu ho atividade sira neebe reflete fiar Muslumanu nian.
“Ami nia ramadhan loron 30 nee ami nia programa neebe ami halao mak cerdas cermat, formasaun espesifiku ba ita nia oan hafalan Al-Quran, nee mak ami halo iha fulan ida nia laran no tan programa Tausiyah,” Muhammad Carlos B. da Costa Soares hateten ba STL iha Masjid Al-Amal Baukau, Sesta (20/03/2026).
Nia sublina, atividade neebe komunidade Muslumanu sira iha Baukau halao durante selebrasaun refere, aliende jejun sira mos inisia atividade extra loke kompetisaun ba komunidade labarik Muslumanu sira kompete lee no kaptasaun ba Alquran, Hadis inklui formasaun sira neebe ligadu relijiaun islamiku nian neebe fasilita husi Delegasaun Islamiku Indonezia no apoiu masimu husi Delegasaun Islamiku Malaysia inklui Singapura.
Maibe seluk neebe importante liu mak, komunidade Muslumanu sira halao tauce/tasiyah kada loron kumpri tempu 5 hanesan subuh, luhur, asar, magrib no isha husi loron 30 jejum nian ho objetivu atu haforsa fé entre ema ho Maromak (Allha) hodi hametin atitude respeitu ba malu no hamoos aan husi sala sira.
“Tausiyah 5 waktu nee ami lao, Tausiyah nee nuudar omelia sempre iha jadi fo motivasaun korajem ba ita ho Maromak durante loron 30 nee ami entre relasaun ho Maromak moos fila fali hadia ami nia moris,” Muhammad Carlos akresenta.
Iha fatin hanesan Konselheiru Komunidade Musulmanu Baukau, Ibrahim konsidera, selebrasaun loron refere nuudar asaun atu manan idolesisia Maromak nian liu husi jejun durante loron 30 no jejum refere hapara relasaun entre ema ho sasan neebe maromak bandu.
“Ezemplu kiik ida mak hanesan nee, iha fulan barak nia laran buat hotu o bele halo, bele han laiha bandu, maibe iha loron ida nee tenke hapara tuir oras neebe determina ona iha jejun nian,” katak Ibrahim.
Nia esplika, jejun mak asaun loloos eduka ema atu halao atividade fiar nian hasoru Maromak, nunee ba ema Musulmanu kumpri iha oras jejun nian no ba hirak neebe kumpri minutu jejum nian konsidera susesu fiar ba Maromak.
Nia sublina, ema Musulmanu konsidera selebrasaun loron Idul Fitri mak loron no fulan liurai ba Islamiku sira iha mundu tomak, tanba tinan ida dala ida, nunee iha loron refere aproveita oportunidade liu husi jejun hodi manan grasa Maromak nian.
“Importante ba Muslumanu tenke aproveita tempu, tanba iha jejun nia laran atu hadia ita nia aan ho ita nia pasiensia,” Ibrahim komenta.
Nia fundamenta, jejum laos vale deit ba han hemu deit, maibe ba aspetu barak, mak hanesan husi matan bele haree ba buat neebe bele haree no labele haree ba buat neebe labele haree. Husi tilun bele rona mak liafuan pozitivu ba fiar no labele rona liafuan neebe fo impaktu ba fiar.
Husi ibun bele koalia liafuan neebe iha valor ba moris fiar nian no labele koalia liafuan neebe hakalon grasa nia inklui mos husi karatek labele halo atu hadook aan grasa husi isin lolon, maibe hakraik aan no pasiensia manan idolzensia.
“Jejun nee laos ba han hemu deit, buat sira nee hotu, prontu ga lae atu muda buat sira nee iha fulan ida nia laran, fulan seluk livre, mais fulan ida nee rai o nia aan kumpri orientasaun Maromak nian,” Ibrahim akresenta
Entretantu tuir dadus sensus Musulmanu iha Baukau hamutuk 600 resin neebe rejistu husi Postu Administrativu sira iha Munisipiu Baukau.
(tom)
