DILI, STLTIMORLESTE.com – Primeiru Ministru (PM) Kay Rala Xanana Gusmão partisipa iha loron selebrasaun IDUL FITRI 1 Syawal 1447 H, husu ba Kedutaan Besar Republik Indonesia (KBRI) hodi tau hamutuk hanoin ida lori Timor Leste (TL) ba dalan los.
PM Kay Rala Xanana Gusmão partisipa iha loron selebrasaun IDUL FITRI hodi Governu no povu Timor Leste nia naran agradese ba kristaun musulmanu iha Timor tomak.
“Ohin loron IDUL FITRI hodi Governu nia naran no povu tomak nia naran harohan ba Maromak, tulun nafatin maluk sira neebe oin selebra IDUL FITRI ita hotu husu ba leten aas ba hodi tulun nafatin ita hakuak malu ho domin hodi nunee dame bele hamriik iha Timor nuudar kondisaun boot diak tebes atu ita bele desenvolve ita nia rain, hau mai Embaixador mak bolu mai tanba nia mos la kleur fila ona ba nia rai, hotu-hotu neebe iha Timor,” hatete Permeiru Ministru Kay Rala Xanana Gusmão ba jornalista sira iha Embaixada Indonézia Farol Dili, Sesta (20/03/2026).
Xefe Governu nee haktuir, funu iha medio oriente ita servisu hamutuk la bele fo impaktu ba povu Timor Leste.
“Ita haree agora iha mundu funu boot tebe-tebes Amerika Israel hasoru iraun ita sei iha problema Mina problema hahan oin mos Embaixador iha Pertamina oin nee ami haree dadauk ona halo oinsa mak impaktu husi funu ida newwbe ita la simu nee la bele mai estraga povu nee nia moris nee duni ba maluk sira tomak muslumahu iha Timor hau nia hakuak boot ho respeito boot Ita hotu hamutuk hanoin ida deit kria Domin no dame hodi ita bele harii rai ida nee lori rai ida nee ba dalan los,” nia deklara.
Iha fatin hanesan, Embaixadór Indonézia mai Timor Leste (TL), Octo Dorinos Mali informa, loron ksolok ida nee nu’udar loron vitória ba komunidade Musulmanu no Embaixada Indonézia.
“Ami hatoo ami nia parabéns sinseru no ba loron idul fiti 1447 H. Momentu ida nee espesiál tebes tanba ita selebra loron ida new, no iha semana kotuk ita halo selebrasaun hodi selebra loron boot Imblet nian, no Domingu ida nee mak loron jejun ba sarani Katólika sira,” nia koalia.
Tanba nee loron espesiál ida, semana ida nee nian ba ema hotu. belun musulmanu sira selebra hela jejún loron 30, no ida nee maka loron vitória nian ba musulmanu sira.
“Hau hakarak hatoo espesifikamente katak fiar komunista nian la diak iha fulan hirak liu ba, konflitu iha Médiu Oriente lao durante loron 20 nia laran. Ida nee mak ita nia konsiensia koletiva. Klaru, ida nee bele akontese iha konflitu. Ami rasik evakua ona sidadaun Indonézia hamutuk 32 hosi Iraun,” katak nia.
Nia deklara, folin mina nee sae makaas tebes, husu ba estadu atu rezolve kedas ida nee, tanba ida nee fo impaktu ba aspetu moris hotu-hotu. Ba oin folin mina sei sae, ai-han prinsipál sei sae, sei hasoru hamutuk situasaun ekonómika nee.
“Ami nia lia menon mak ita tenke forte, ita tenke forte hodi hasoru problema ida-nee, no ita tenke fó liman ba malu. Ita hotu tenke tulun malu, suporta malu, reza ba malu, no tau matan ba malu. Ida nee mak konseitu Loron Silaturami nian,” nia afirma.
(jen)
