DILI, STLTIMORLESTE.com – Prezidente Republika (PR), Jose Ramos Horta Ho Human Rights Watch diskute krize Mianmar no responsabilidade rejional.
Iha loron Kinta lokraik (19/03/2026) Prezidente Republika Jose Ramos Horta simu Elaine Pearson, Diretora-Asiatika Human Rights Watch, iha Palasiu Prezidensial Nicolau Lobato hodi koalia kona-ba krize umanitaria neebe sae daudaun iha Mianmar.
Prezidente reafirma nasional nia tradisaun orgullu ba demokrasia no direitus uminus, hodi fo enfaze katak valor sira-nee parte husi DNA povu Timor nian.
Pearson louva Prezidente nia preokupasaun klean ba situasaun iha rejime militar nia okos no husu lideransa Timor-Leste nian hodi dudu protesaun neebe luan liutan iha Sudeste Aziatiku.
Enkontru nee foka ba nesesidade husi Estadu-mambru ASEAN sira hodi responsabiliza junta militar Myanmar ba atrosidade sira neebe komete dezde korta-estadu (coup), inklui eleisaun farsa foin lalais nee no detensaun ba prizoneiru polítiku sira.
Prezidente Ramos-Horta no Pearson diskute mos importansia husi Konsensu Pontu-Lima no nesesidade ba frente ida neebe unidu entre nasaun sira neebe fo apoiu ba demokrasia hanesan Filipinas, Indonezia, no Malazia.
Prezidente espresa ninia kompromisu hodi buka solusaun no garante katak Karta ASEAN labele nakdoko tanba violasaun direitus umanus neebe kontinua akontese.
Pontu istiriku ida husi diskusaun nee mak kazu jurisdisaun universal neebe foin lalais nee rejista iha Dili hodi investiga kriminozu kontra umanidade iha Myanmar.
Pearson deskreve ida-nee nuudar pasu ida neebe importante tebes no dahuluk iha istoria Timor-Leste nian, neebe serbi nuudar mensajen forte ida katak nasaun nee sei la ignora sofrementu rejional.
Prezidente Ramos-Horta mos hatudu ninia prontidaun hodi hola parte iha esforsu diplomatiku sira seluk, inklui posibilidade ba mediasaun, hodi apoia povu Myanmar no mantein justisa internasional.
(eme)
