DILI, STLTIMORLESTE.com – Komunidade husi Aldeia Likarapoma, Suku Bairo Pite, Postu Administrativu Dom Aleixo, Munisipiu Dili, agradese ba parte saude nian neebe mak ohin lori aimoruk fomigasaun rega komunidade sira nian uma.
Komunidade Aldeia Likarapoma, Satornina Fernandes Sarmento dehan, agradese ba parte saude Munisípiu Dili nian neebe mak ohin lori aimoruk fomigasaun mai rega ona ami komunidade sira nian uma iha aldeia ida nee, atu nunee bele evita susuk iha tempu udan, tanba agora daudaun moras dengue lao hela.
“Ami agradese ba ita nian parte saude Munisípiu Dili nian neebe mak ohin lori aimoruk fomigasaun mai rega ona ami komunidade sira nian uma, tanba ami komunidade balun hela besik valeta, maibe ho aimoruk mai rega ona hodi evita susuk, no komunidade balun mak hatan rega no balun la hatan,” dehan Satornina ba STL iha Bairo Pite, Tersa nee (24/03/2026).
Satornina sublina, husi parte saude nian mai rega ona aimoruk iha sira nian aldeia, tanba aldeia ida nee komunidade balun mak hela besik valeta, nunee lori aimoruk mai rega ona nee hodi bele Evita susuk, tanba tempu udan no moras dengue nee liu husi susuk neebe tata.
Tuir observasaun STL iha terenu, parte saude nian lori aimoruk fomigasaun mai rega nee, komunidade ida-idak husu atu rega sira nian uma laran sai mai too liur, maibe komunidade balun la hatan atu rega sira nian uma.
(jac)
