DILI, STLTIMORLESTE.com – Ministeriu Edukasaun (ME) foin daudaun koloka ona profesores nain 8 ba Ensinu Baziku Filial (EBF) nu. 5 Komoro.
“Agora daudaun ami nian profesores mos sufisiente ona, tanba foin daudaun husi ME koloka tan ita nian profesores nain 8 mai iha ami nian eskola, neebe daudaun nee ami nian profesores sufisiente hela, tanba foin daudaun iha semana hira liu ba husi parte ME koloka ona profesores nain 8 mai iha ami nian eskola, sira nain 8 nee substitui fali iha ami nian profesores nain 8 neebe tama iha reforma,” dehan Koordenador EBF nu. 5 Komoro, Marcelino Moniz ba STL iha Komoro, Kinta nee (26/03/2026).
Nia hatutan, husi eskola nee profesores sufisiente ona, maske uluk sira sei menus profesores, daudaun nee sira nian profesores hamutuk 46, sala aprendizajen ba estudantes hamutuk 16.
Nunee mos Diretor Eskola Sekundariu Jeral 10 de Dezembru Komoro, Manuel Verdial dehan, sira nian eskola sei menus profesores no ba oin presiza aumenta tan profesores, tanba profesores balun atu tama ba idade reforma, nunee hirak neebe tama reforma nee ita presiza substitui hikas iha sira nian fatin.
“Ami nian eskola sei menus profesores, no ba oin presiza aumenta tan profesores, tanba profesores balun atu tama ba idade reforma, nunee hirak neebe tama reforma nee ita presiza substitui hikas iha sira nian fatin,” nia dehan.
(jac)
