DILI, STLTIMORLESTE.com – Primeiru Ministru (PM), Kay Rala Xanana Gusmão hatete, Governu sei garantia mina ba EDTL too fulan Agostu tinan 2026.
Primeiru Ministru Kay Rala Xanana Gusmão hatoo lia hirak nee ba jornalista sira, bainhira remata halo enkontru semanal ho Prezidente Republika Jose Ramos Horta iha Palásiu Prezidensial Nicolau Lobato, Bairo Pite, Kinta (09/04/2026).
“Ita boot sira hatene katak tanba funu mak presu minarai sae tiha mais laos presu minarai sae deit, problema fornesementu bele nafatin ka lae, ho problema sira nee hotu mak ami iha semana kotuk aprova tiha ona ita bele dehan katak too fulan Agostu minarai sei la falta, garantia ba eletrisidade no konsumu privadu nia maibe horiseik hau kontente oituan tanba akompanha CNE, BBC dehan katak Iran ho Estadu Unidos konkorda malu iha semana rua ho kondisaun Amerika aseita ho kondisaun katak husik roo sira nee lori nafatin mina mai, tanba 20% de konsumu iha mundu liu husi iha neeba ita haree karik 20% nee ita iha kraik nee hotu, neebe hau kontente tiha, Iran konkorda sim bele roo boot sira tanki sira lori mina nee bele sai ona, neebe ami aprova tiha horiseik,” katak PM.
Governu aprova tiha ho desizaun ida ba ministru relevante ka kompotente iha Agrikultura iha komersiu atu haree daudaun ona hahan nee iha neebe, too iha neebe, too karik Dezembru fim do ano nee presiza sosa tan hira ba Ministru Agrikultura halo kalkulu husi nee too koileta hira para Centro Lojistika Nasional bele sosa tiha, hodi nunee iha 2029 akontese krime mundial alimentasaun bele sosa nunee bele faan fali ho presu baratu.
Governu tenke antisipa ona atu responde problema sira neebe mosu laos husi rai laran maibe iha rai liur.
“Depois aprova tiha ida nee kalan iha notisia katak situasaun iha mediu oriente Iran konkorda katak minarai bele mai ona, buat sira hotu hau dehan, ai diabu nusa o la sai tiha be ami lalika aprova horiseik, hau hakilar fali ministru sira, ohin dader fali CNE, BBC fo sai fali katak Iran dehan la vale tanba Israel ataka fali Líbano too ema barak mate, estraga hotu sidade nee, hau dehan ai sorte boot horiseik ami aprova tiha,” katak nia.
(eme)
