DILI, STLTIMORLESTE.com – Lao hamutuk relata atividade neebe sira halo durante nee ba Prezidente Republika, Jose Ramos Horta.
Bainhira remata hasoru malu, Peskizador Lao Hamutuk, Celestino Gusmão ba jornalista sira iha Palasiu Prezidensial Nicolau Lobato, Bairo Pite, Sesta nee (10/04/2026) hatete, ohin mai hasoru malu ho Prezidente Republika hodi relata atividade neebe durante nee sira halo ba Xefe Estadu.
“Tinan barak ami la hasoru malu ho Exelensia Prezidente no ami hasoru malu tanba ita boot sira hatene agora normalmente iha diskusaun orsamentu jeral estadu ba tinan oin nian hahu tiha ona. Ami informa saida deit servisu neebe mak ami halo kona-ba orsamentu estadu kona ba ekonomia, kona-ba demokrasia, boagovernasaun hodi informa situasaun nee ba sua exelensia Prezidente,” dehan Peskizador.
Peskizador Lao Hamutuk hatete, Prezidente Republika akompanha didiak ho kontribuisaun neebe Lao Hamutuk halo iha prosesu orsamentu jeral estadu ekonomia kona-ba fundus petroliferus, kona-ba dezenvolvimentu iha setor agrikultura, edukasaun, saude neebe iha nota dezafius barak, inklui rona sua Prezidente nia hanoin kona-ba publiksaun balun neebe iha kona-ba krimi organizadu.
“Sua exelensia ninia alegasaun balun neebe karik rona ajuda ami nia komprensaun kona ba situasaun sira nee, ami kuaze atu rona Prezidente Republika no husu ami nia opiniaun situasaun jeral iha nee no mos iha nee ba oin oinsa mak ami bele, husu ami nia analiza sira ami nia advokasia sira bele too iha sua exelensia nia ajenda atu uza ba diskusaun ho governu, mais ou menus situasaun jeral ida nee mak ami hasoru malu atu koalia ba malu,” katak nia.
Celestino hatete, fundus petroliferus nee nia kontribui mai husi reseitas petrolifeiras neebe hotu-hotu hatene katak, bayu Undang ninia produsaun para tiha ona laiha tiha ona reseitas petroliferas ba fundus petroliferus, fundus petroliferus agora depende deit ba merkadu finanseirus internasionais neebe fundu nee investe.
“Hatene katak relatoriu ikus fo sai marka ita nia kapital ba iha fundus petroliferus nee US$ 18 bilhões seidauk iha relatoriu foun ida mais ita hanoin katak fundus petroliferus ida nee mos nia investe merkadu depende ba kondisoes merkadu investimentu buat sira nee hotu entaun ita presiza haree mos, mais liu-liu kona ba investimentu balun liu husi orsamentu jeral estadu neebe Timor Leste halo atu harii ita nia rezilensia ekonomiku ita nia populasaun nia kondisoes moris buat sira nee hotu governu presiza haree ita boot sira hatene katak orsamentu jeral estadu ba tinan oin nian nee agora iha nivel ministeriu sira iha ona preparativus lakleur tan ministeriu finansas sei iha konsulta de sidadania iha preparativus balun tan, neebe ami husu mos sua exelensia atu haree ida nee no ami koalia ho membru governu sira no ami mos envolve atu haree situasaun sira nee,” dehan nia.
Nia hatete, fundus petroliferu hanesan rekursu ida neebe lao hamutuk tinan barak, hanoin katak nee bele sai oportunidade finansial atu harii kapasidade ekonomiku neebe laos depende deit ba setor ida deit hanesan mina no gas maibe bele investe ba setor seluk neebe produtivus no sustentavel liu.
Tinan barak Lao Hamutuk depende ida nee kona-ba produsaun agrikultura, industria transformadora sira tau matan ba edukasaun, saude no asuntu sira neebe liga ho dezenvolvimentu neebe sustentavel, produtivus no renovavel mais kontinua koalia ba situasaun sira nee hotu hatene katak estadu tomak iha dezafius barak neebe hotu rekonese ida nee.
(eme)
