DILI, STLTIMORLESTE.com – Estudantes husi Eskola Sekundariu Nobel no Ensinu Baziku Nobel da Paz hamutuk 25 la tuir ezame primeiru periodu, tanba sira la rejistu naran.
Haktuir Diretor Eskola Sekundariu Nobel da Paz, Jeremias P. de Jesus ba STL iha Kintal Boot, Sabadu nee (11/04/2026).
“Ohin nee hanesan loron ikus ba ami nian estudantes hirak neebe mak partisipa ona iha ezame primeiru periodu ninia, maibe ba ami nian estudantes neebe la konsege tuir ezame, nee Segunda mak sira komesa ezame fali, pursentu 95 nee ami nian estudantes partisipa hotu ezame no pursentu 5 Mak estudantes balun falta, maibe ami husu ba ita nian estudantes sira, atu nunee bele tuir fali ezame iha loron Segunda,” dehan nia
Jeremias dehan, estudantes ensinu baziku husi Nobel 300 resin mak tuir ezame, sekundariu 995 mak partisipa iha ezame, husi e sinu rua nee estudantes 25 mak la tuir ezame, nee tanba sira la rejístu naran, no Segunda sira mai fali eskola rejístu, atu nunee bele partisipa hikas iha ezame.
“Ami nian estudantes husi sekundariu no Ensinu Baziku rua nolu resin lima la tuir ezame, ita husu sira para bele tuir ezame iha loron Segunda, maske ita nian estudantes balun tuan, maibe sira nian naran la rejístu,” nia esplika.
(jac)
