DILI, STLTIMORLESTE.com – Prezidente Republika (PR), Jose Ramos Horta bolu Ministra Finansas (MF) hodi halo klarafifikasaun kona-ba halo pagamentu tarde ba funsionariu.
Bainhira remata hasoru malu, Ministra Finansas Santina Viegas ba jornalista sira iha Palasiu Prezidensial Nicolau Lobato, Bairo Pite, Segunda (13/04/2026) hatete, ohin mai tanba Prezidente Republika mak bolu hodi halo klarifikasaun kona-ba pagamentu balun ba Xefe Estadu nomos servisu ministeriu nia.
“Ohin sua Exelensia bolu hau mai iha nee koalia oituan kona-bá servisu finansas nian, iha asuntu balun neebe presiza klarifikasaun ba pagamentu balun neebe ohin aktualiza hela nomos Ministeriu Finansas sei haree pedidu pagamentu ruma neebe mak sei iha hela prosesu nia laran para finaliza nia pagamentu,” dehan Ministra Finansas.
Ministra Finansas dehan, mai hasoru malu ho Prezidente la koalia kona-ba pagamentu ba funsionariu termu sertu, tanba ida nee funsaun publika mak kordena hela kontratu termu sertu ida idak iha linha ministeriu ida idak mak sei haree.
Liga ho pagamentu tarde, Prezidente Komisaun D neebe trata assuntu Ekonomia no Dezenvolvimentu, Ricardo Baptista hatete, publiku akompanha hela prosesu ajustamentu neebe fo impkatu direita ba atraza pagamentu salariu ba funsionariu sira.
Tuir deputadu katak atu re-organiza estatutu funsionariu inklui estrutura salariu bazeia ba nivel edukasaun no pozisaun iha ministeriu idak idak maibe prosesu ida nee rezulta funsionariu barak seidauk simu sira nia direitu.
Deputadu hatete, direitu neebe mak lo-loos nee mensalmente sira simu maibe too agora funsionariu balun la hetan.
(EST/eme)
