DILI, STLTIMORLESTE.com – Primeiru Ministru (PM), Kay Rala Xanana Gusmão halo enkontru liu husi Zoom Meeting ho Prezidente Serealia hodi koalia kona-ba G7+.
Primeiru Ministru Kay Rala Xanana Gusmão hatoo kestaun nee ba jornalista sira, bainhira remata halo enkontru semanal ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta (16/04/2026).
“Hau mos informa ba Prezidente hodi bainrua hau iha Zoom Meeting ho Prezidente Serealia, Prezidente Serealia agora kaer serbisu Afrika neebe ba tiha ona Guine Bisau komu Guine Bisau lasimu CPLP atu tama iha neeba tanba sira mos lasimu ita kaer fali Prezidensia CPLP hanesan hadau fali nee nemak ami husu ba Prezidente Serealia neebe ba G7+,” dehan Primeiru Ministru.
Primeiru Ministru hatete Serealia ezemplu diak ida ba G7+ tanba sira mos uluk estadu ladun diak problema barak iha rai laran mais tuir lema G7+ nia sira hadia aan sai ezemplu diak ida ba demokrasia respeitu direitu humanus no estabilidade.
“Nee mak ami husu mos sebele karik nia lori G7+ hodi kontaktu ho maluk sira neebe iha 2014 Prezidente rasik, no hau rasik mos sei ba iha neeba Guine Bisau haree ona hodi muda tiha situasaun iha neeba demokrasia iha neeba nunee hodi buat sira nee bele lao, nunee ba sudaun do Sul hau kala temi ona dala ida dala rua fiar ita mak pais Novu indepedente mais sudaun do sul mai sira mak mais Novu tiha mais sira mos membru G7+ tanba iha hela konflitu nia laran buat sira nee hotu, hau too iha neeba aviju sira hau dehan ami mos foin remata ami nia rejistensia 24 anos ami restaura tiha ami nia uku naan mais ho mentalidade ida funu buat sira nee hotu ami tama iha krize boot ida ami oho malu estraga malu, nee duni ami lori tinan 4 atu rejolve,” katak PM Xanana.
Maibe Sudaun Sul rai boot tebes maibe sei lori tempu naruk liu atu rejolve no povu sei terus liu fali ho problema internu konflitu internu dukue tempu funu hasoru Sudaun.
“Nee duni hau husu ba imi tenke evita tama imi tama rejolve susar tebes nee sira lakohi rona barak tebes mate tanba hamlaha, mate tanba oho buat sira nee hotu neebe hau mos husu ba Prezidente Serealia neebe agora nia mak kaer sira iha G7+ atu fo lembra nafatin ba sira iha neeba katak haree nia mai too iha nee bolu atensaun ba imi husu labele hahu, imi hahu nunka mais para neebe ita atu iha situasaun mundu nia ho funu buat sira nee iha mediu oriente, G7+ kaer metin nafatin nia prinsipiu hodi dehan konflitu internu rejolve tiha se estadu sei frazil hadia ba para estadu nee sai forte,” katak PM.
PM hatete durante Zoom ho Prezidente G7+ Nia no Prezidente Serealia nia konvina hodi reafirma G7+ nia prinsipiu haluha tina funu iha mediu Oriente hodi haree nusa mak hadia uma laran G7+ nia uma laran. Nia promete sei esforsu aan hodi ajuda rai nee fila fali ba demokrasia.
(eme)
