DILI, STLTIMORLESTE.com – Polisia Nasional Timor Leste (PNTL) liu husi Diresaun Nasional Servisu Investigasaun Kriminal (DNSIK) komesa horiseik halao ona operasaun no kontazen rema sura osan nee hamutuk milhaun US$ 4 resin no daudaun nee deskonfia sidadaun xineza nain haat (4) detein ona iha sela PNTL, hein halo aprezenta ba Ministeriu Publiku.
“Ita nia ekipa husi DNSIK hamutuk ho Ministeriu Publiku halo kontazen depois too kalan boot osan falsu neebe ita sura hamutuk milhaun US$ 4 resin, agora daudaun ita halao hela prosesu ba Ministeriu Publiku,” hatete Diretór Servisu Investigasaun Kriminál Komandu Jerál Polisia Nasionál Timor Leste (PNTL), Superintendente Xefe Polísia João Belo dos Reis ba jornalista sira liu husi Konferensia Imprensa iha Komando Jeral PNTL Kaikoli, Dili, Kinta (16/04/2026).
Nia teknik, operasaun lao tanba krime akontese ona, PNTL mos rekonhese katak ida nee osan falsu, sei sidadaun sineza nee uza ba nia kultura no laiha elementu krime ruma laiha operasaun, maibe ninia legalidade kona-ba importasaun no iha ona transaksi ruma iha loja balun iha Dili laran.
“Ita halo operasaun tanba iha ona transaksi osan falsu nee iha loja balun, tanba nee ita buka tuir suspeitu sira no too ikus ita hetan nia paraderu no agora detein ona iha sela polisia,” nia informa.
“Hodi kalan ita detein ona sidadaun xineza nain haat relasaun ba kazu, no ita sei prosesu ba Ministeriu Publiku, nomos sidadaun neebe halo viral mos iha media sosial ita asegura iha nee, depois tuir investigasaun.
Observasaun STL iha terenu katak, tuku 12:03 OTL Polisia Nasional Timor Leste (PNTL) Diresaun Nasional Servisu Investigasaun Kriminal (DNSIK) detein ona sidadaun nain 4 neebe produs osan falsu nomos sei prosesu ba Ministeriu Publiku.
(jen)
