DILI, STLTIMORLESTE.com – Unidade Patrulhamentu Maritimu (UPM) konsege kaptura ema nain 32 ho roo naran KM Makmur Rejeki Mulya husi Indonezia, neebe halao atividade peska ilegal iha tasi Timor.
Tuir informasaun neebe STL asesu katak, kapturasaun nee akontese iha loron 17 Abril nee pur-volta tuku 18:00 Oras Timor-Leste iha tasi kosta sul, entre Beaço no Uatucarbau, Munisipiu Vikeke.
kapturasaun refere husi UPM nia patrulhamentu neebe realiza ho utilizasaun lancha rapida rua ho apoiu NRTL Lusitania, ho objetivu atu reforsa fiskalizasaun no proteje rekursu martimu Timor-Leste nian, neebe durante opetasaun detekta no kaptura ema no ro inklui ikan ho total aprosimadamente tonelada sia, rede arastu no ekipamentu seluk tan.
Husi kapturasaun refere, parte UPM entrega ona evidensia hotu iha ba Komandu Munisipiu Lautem hodi kontinua prosesu investigasaun no prosesu tuir lei neebe vigora.
Entretantu ro neebe utiliza ba peskas ilegal nee asegura ona iha Porto Com, Munisipiu Lautem no sei submete ba prosedimentu legal tuir regra sira neebe aplika.
(tom)
