DILI, STLTIMORLESTE.com – Prezidente Republika (PR), Jose Ramos Horta hatete, saude no edukasaun tenke sai nuudar sentru ba vizaun nasional.
Prezidente Republika Jose Ramos Horta hatoo kestaun nee liu husi diskursu bainhira partisipa iha resepsaun ida hodi selebra Aniversariu ba da-78 Organizasaun Mundial Saude (OMS) no Loron Mundial Saude iha salaun Multi Uzu Bebora Sesta kalan (17/04/2026).
“Dala barak hau dehan katak, saude no edukasaun labarik sira nian tenke sai nafatin nuudar sentru ba ita-nia vizaun nasional. Hau simu ho laran haksolok triajen saude eskolar nasional ba labarik liu rihun atus rua neen-nulu, no introdusaun vasinasaun HPV ba ita-nia labarik-feto sira. Hirak-nee proteje ita-nia oan sira ohin loron no investe iha ita-nia nasaun nia aban-bainrua,” dehan PR Horta.
Prezidente Republika hatete durante nee saude Timor Leste mos apoiu makaas liu husi advokasia oinsa aumenta impostu ba tabaku.
“Hau hatene no apoia OMS nia advokasia atu aumenta liutan impostu sira ba tabaku, impostu sira ba alkol no hemu sira ho midar neebe iha liña ho liafuan neebe dehan katak Prevensaun presiza aten-barani no mos kuidadu,” dehan PR Horta.
Xefe Estadu hatete maske iha lukru boot, preokupasaun lejítimu sira persiste. Mortalidade inan no labarik, maske hadia ona, maibe sei aas nafatin.
Xefe Estadu husu nafatin luta hasoru subnutrisaun no stunting sei dook atu hotu. Timor-Leste presiza hadia nia ospital sira hodi fornese servisu espesialidade no super-espesialidade.
No tenke kontinua investe iha formasaun ba profisional saude espesialista sira Timor Leste hanesan nasaun illa kiik ida, buka hatene saida maka nasaun boot sira foin hahu atu konsidera mudansa klimatika maka emerjensia saude nian.
Xefe Estadu husu ba OMS, governu, ba empreza teknolojia sira, no ba sidadaun ida-idak atu defende integridade informasaun saude nian. Funu ba saude publika hanesan mos funu ba faktu sira.
Enkuantu Timor-Leste hola nia fatin iha ASEAN no hametin nia pozisaun iha mundu, hatene duni ka tanba nee maka tema Hamriik ho siensia rezoan makaas.
(eme)
