DILI, STLTIMORLESTE.com – Ministeriu Saude (MS) liu husi Diresaun Nutrisaun Munisípal halao formasaun ba dirijente eskola husi munisípiu tolu, Aileu, Likisa no Dili, formasaun nee konaba menu merenda eskolar neebe implementa iha eskola sira.
Lia hirak nee hatoo husi Xefe Departamentu Programa Merenda Eskolar iha Ministeriu Edukasaun, Belchior Maria Almeida Barros ba STL iha nia knaar, Segunda nee (20/04/2026).
“Nee kabe ba Ministeriu Saude ho saude munisipiu, ME akompanha deit, husi parte nutrisaun munisipal, saude munisipal, formasaun ba dirijente husi eskola sira nee agora daudaun lao hela iha fim de semana fula Marsu, agora daudaun lao hela iha munisipiu tolu, nee mak hanesan Munisípiu Dili, Aileu no Likisa,” nia esplika.
Nia dehan, formasaun nee halao husi Ministeriu Saude, Dirasaun Nasional Nutrisaun nian mak halao formasaun nee, nee ba deit responsavel husi munisipiu, husi sira mk sei tun ba eskola sira. Nee kabe ba Ministeriu Saude ho saude munisipiu, ME akompanha deit, direjente husi eskola neebe partisipa iha formasaun nee hanesan koordenador pre eskolar, koordenador filial no Diretor Eskola Baziku Central sira.
Iha fatin seluk, Diretor Servisu Edukasaun Munisipiu Ainaro, Patricio da Costa Magno hatete, formasaun ba dirijente eskola sira, liu-liu kona-ba oinsa mak atu implementa programa merenda eskolar iha eskola sira.
“Hau hanoin kona-ba formasaun ba dirijente eskola sira, liu-liu kona-ba oinsa mak atu implementa programa merenda eskolar iha eskola sira,” nia esplika.
Nunee mos Diretor EBC Manleuana, Carlos Correia dehan, uluk sira partisipa ona formasaun, kona-ba oinsa mak atu implementa merenda eskolar nee ho diak iha eskola, ho nunee estudantes sira asesu merenda ho diak.
“Uluk ami partisipa ona formasaun, kona-ba oinsa mak atu implementa merenda eskolar nee ho diak iha eskola, ho nunee estudantes sira asesu merenda ho diak, tanba partisipa iha formasaun nee importante tebes,” nia dehan.
(jac)
