AMBENO, STLTIMORLESTE.com – Hafoin rekopera Saude, Prezidente Autoridade Rejiaun Administrativa Espesial Oecusse-Ambeno (PA-RAEOA), Regio da Cruz Salu iha loron Segunda (20/04/2026) hahu fali nia atividades nuudar Autoridade RAEOA.
Tuir Prezidente Autoridade RAEOA, Regio da Cruz Salu katak, nia tane aas maluk Timor oan sira hotu, Oecusse oan sira, liu-liu maluk Ministeriu Administrasaun Estatal (MAE) ho ekipa ho membru autoridade Tomak RAEOA tomak.
“Hau tane aas hau nia maluk Timor oan sira hotu, maluk Oecusse oan sira, liu-liu maluk sira husi Ministeriu Administrasaun Estatal (MAE) ho ekipa ho membru autoridade Tomak RAEOA.
Halo serbisu ida neebe ke importante durante impedimentu hau nian rasik, ita haree katak, loron tan hanesan nee, ita hotu ninia espetativa katak, RAEOA tenke iha estrutura defenitivamente, sei akontese. Ida nee akontese tanba serbisu ida ke insentivu tebes, husi governu sentral ho ita ho ita hotu iha nee,” dehan PA-RAEOA, Regio da Cruz Salu.
Nia haktuir tan katak, desde uluk nuudar assume knaar autoridade, sempre deklara ona katak, impedimentu tanba kestaun saude labele impedimentu ba funsionamentu no dever povu Timor oan tomak nia dever governu sentral no RAEOA, kontinua lao atu funsionamentu administrativa kontinua lao nafatin.
“Moris maka hanesan nee, kadaves ita sente kolen, kadaves ita tenke moras, maibe ita tenke kontinua kuida ita nia aan no fo konfiansa ba malu. Tanba nee tuir komunikadu ho Ministru Administrasaun Estatal (MAE), Tomas do Rosario Cabral nomos prezidente Autoridade RAEIA Interinu, Doutor Celestinho Marques, hotu-hotu fo konfiansa katak, hau nia fisikalmente bele halao hau nia serbisu, hau ohin retoma fali hau nia knaar hanesan PA-RAEOA, maibe aban (ohin-Tersa Reed), ami hotu membru autoridade ho Prezidente Autoridade Interinu, komunika malu atu hasoru malu atu haree serbisu saida maka tenke kontinua halo, tanba wainhira kuandu estrutura definitivu akontese no prosesu harii poder lokal nee lao, ita sei presiza nafatin akompanhamentu atu nunee, funsionamentu administrativu too ninia lalaok prosedimentu poder lokal nee, tenke lao ho diak, buat hotu-hotu ita tane governu TL nian ida deit, ida nee sei akontese. Tanba nee ho hakraik aan ba kolega sira hotu-hotu neebe serbisu makaas, serbisu ho fuan, halo funsionamentu ita nia governu lao nafatin ho diak,” dehan nia.
Iha fatin seluk, Antonio Sufa nuudar komunidade Oecusse, agradese ba maromak tanba autoridade RAEOA nuudar Oecusse oan, Regio da Cruz Salu nia saude rekopera fali ona.
“Iha inisiu ami rona informasaun katak, Ami nia prezidente Autoridade RAEOA, hetan moras no baixa iha Hospital Nasional Guido Valadares Dili (HNGV), neebe hetan vizita husi Primeiru Ministru, Kay Rala Xanana Gusmao, ami agradese ba maromak, matebian no bei ala sira, rai lulik Timor Leste nia tulun, PA-RAEOA, Regio da Cruz Salu nia saude hahu rekopera ona no ohin kontinua halo serbisu, tanba nee husu ba PA-RAEOA atual atu nafatin kuidadu saude, maske serbisu makaas, labele haluha katak saude iha ita nia liman rasik,” dehan nia.
Iha biban nee, Ministru Obras Publiku, Samuel Marcal husu nafatin atu Oecusse oan nafatin kolabora ho Autoridade no husu mos ba PA-RAEOA, atu saude diak nafatin hodi kontinua halo serbisu ba povu TL.
(jos)
