DILI, STLTIMORLESTE.com – Prezidente Republika (PR), Jose Ramos Horta simu karta kredensial husi Embaixadora Singapura ba Timor Leste, Theo Lay Cheng, iha Palasiu Prezidensial.
Iha loron Tersa (21/04/2026) Prezidente Republika Jose Ramos Horta simu karta kredensial husi Embaixadora Singapura ba Timor Leste, no serimonia nee halao iha Palasiu Prezidensial Nicolao Lobato.
Antes entrega Karta Kredensial, Embaixadora Theo Lay aprezenta ba Prezidente Republika katak, nia mak daudaun nee asume kargu nuudar Embaixadora Singapura ba Timor Leste.
Remata aprezenta aan, Embaixadora entrega kedas Karta Kredensial ba Prezidente Republika Jose Ramos Horta.
Remata serimonia entrega Karta Kredensial Prezidente Republika Jose Ramos Horta konvida embaixadora hodi halo Enkontru kortejia oinsa hametin koperasaun rai rua iha futuru.
Serimonia nee marka Prezidenza mos husi Visi Ministra Negosiu Entranjeiru no Koperasaun Sejuina Maria Gomes, Xefe Kasa Sivil, Xefe Kasa Militar, nomos partisipante seluk tan.
(eme)
