DILI, STLTIMORLESTE.com – Prezidente Republika (PR), Jose Ramos Horta sente kontente ho prezensa ADB iha Timor Leste, tanba sira nia servisu ho kualidade no profisional.
Prezidente Republika Jose Ramos Horta hatoo kestaun nee ba jornalista bainhira remata inaugural edefisiu ADB iha Farol, Tersa (21/04/2026).
“Hau kontente ho ADB nia serbisu iha Timor Leste ADB banku ida laos instituisaun ka NGO ka instituisaun solidaridade maibe nee banku maibe banku ida ho matenek ho kakutak ho fuan, ho komitmentu, dala barak buat neebe sira halo nee liu husi garantu imfraestrutura balun emprestimu ba Governu maibe imprestimu ba Governu nee funan nee kamaan los laos hanesan banku sira seluk banku komersial nee, dehan Prezidente Republika.
Prezidente Republika hatete obra neebe ADB halo iha Timor Leste sempre kualidade desde uluk kedas too agora.
“Desde uluk kedas hau haree buat neebe ADB mak kaer sai kualidade, estrada, Ponte, nee duni hau kontente tebes ho ADB nia serbisu, sira mos kontente sira hatete rejultadu diak iha Timor Leste, sira kontinua, no foin dadaun sira nia boot mai no agora ida nee mai sira kontinua apoiu,” katak Prezidente Republika.
Durante nee ADB apoiu buat oin oin hanesan mos apoiu ba Timor Leste nia esforsu hodi promove fontes foun ba kresementu liu husi halo diak liu tan prestasaun serbisu no hametin ambiente negosiu nia.
Nunee mos ADB nia programa iha Timor Leste foka liu ba konesementu, Sistema, Inovasaun, koinesementu tekniku hodi apoiu finanseiru tradisional, nomos ADB fo ona asistensia ba dezenvolvimentu Timor Leste desde husi tinan 1999 no aprova ona emprestimu no projetu asistensia tekniku.
Alende nee iha loron tersa nee Prezidente Republika Jose Ramos Horta halo tan inaugurasaun ba edefisiu ADB iha farol.
(eme)
