DILI, STLTIMORLESTE.com – Primeiru Ministru (PM), Kay Rala Xanana Gusmão Sabadu agora sei desloka ba Singapura, halo negosiasaun terseiru ronde ba kestaun Fronteira Martima (FM) entre Timor-Leste no Indonezia.
Lia hirak nee hatoo husi Primeiru Ministru Kay Rala Xanana Gusmão ba jornalista sira, bainhira remata halo enkontru semanal ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta (23/04/2026).
Sabadu agora PM Xanana Gusmão sei viajen ba Singapura halo negosiasaun Terseiru Ronde ba Fronteira Martima.
“Neebe atu aviza deit katak, iha Sabadu hau sai ba Singapura ba terseira rondea negosiasaun kona-ba fronteira maritima. Primeriu ronda iha Agostu tinan kotuk, segundu ronda iha Jog-Jakarta tinan kotuk mos, terseira ronda iha Singapura. Ita husu boot, buat nee ita sente ba hanesan ita bele komprende malu, husu boot ronda ida nee bele fo hanoin ruma ba ita. Tanba ita lakon hela dezena miloens dolares iha tasi Timor. Barak mos ita haree ona, imi fo sai tiha ona foin kaer tan ro neebe mai,” dehan PM Xanana.
Tanba nee Sabado Primeiru-Ministru Kay Rala Xanana Gusmão Desloka Ba Indonezia Halo Negosiasaun Segunda Ronde Ba Kestaun Fronteira Entre Timor-Leste No Indonezia
Xefe governu nia Viajen ida-nee ho objetivu atu kontinua prosesu negosiasaun terseiru ronde kona-ba fronteira maritima entre Timor-Leste no Indonezia, neebe sei deskute iha sangapura. No Negosiasaun fronteira maritima konsideradu hanesan parte importante iha esforsu governu atu klarifika limitasaun soberania no hetan solusaun interese nasional, tanba antes nee ekipa hosi nasaun rua halao tiha ona negosaisaun primeira ronda no segundu Ronde iha Dili no agora kontinua halo negosiasaun ba terseiru ronde.
(eme)
