DILI, STLTIMORLESTE.com – Ministra Eduksaun (ME), Dulce de Jesus Soares dehan, la sujere atu profesores baku estudantes ou halo violensia bainhira hanorin iha aula laran.
“Kuandu hau koalia hanesan ida nee mak sai problema, Ministra la hatan ami baku labarik sira, tanba profesor sira sempre kontra, kuandu Ministra hasai regras kode konduta dos alunus, profesor neebe husu iha komunikasaun neebe diak, atu respeita malu, kria ambiente neebe mak diak, kuandu ita baku sira, nee ita sala, tanba nee hakarak ka lakohi hau la sujere ema atu baku labarik sira ou halo violensia bainhira hanorin,” dehan ME, Dulce liu husi nia diskursu ba jornalista sira iha City 8 Manleuana, Sesta nee (24/04/2026).
Tuir ME Dulce, profesor mak fo impaktu liu ba estudante ida, profesor sira bele halo diferensia boot entre estudantes ida neebe hetan notas diak no gosta aprende estudantes ida neebe notas ladun diak, tanba lakohi estuda, profesor iha relasaun pozitivu ho estudantes ida-idak. Profesor neebe diak liu hatene kontiudu neebe nia hanorin nomos metodolojia neebe nia uza hodi hanorin nia materia neebe nia hanorin, maibe mos bele kria ambiente aprendizajen ida neebe mak seguru, atu estudantes sira bele espresa sira nia aan no buka atu dezenvolve sira nian potensial tomak.
(jac)
