DILI, STLTIMORLESTE.com – Ministra Edukasaun (ME), Dulce de Jesus Soares konvida Prezidente Republika Jose Ramos Horta atu partisipa no hatoo mensajen iha reuniuan Ministru Edukasaun CPLP neebe sei halao iha loron 6-7 Maiu.
Kestaun nee hatoo husi Ministra Edukasaun, Dulce de Jesus Soares ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Segunda (27/04/2026).
Ministra dehan, tema ba reuniuan nee mak Edukasaun, Valor Demokratiku sira no Partisipasaun Sívika: Dalan sira atu hametin Sosiedade sira CPLP nian.
“Ohin Ministeriu da edukasaun hau mai iha nee ho komisaun organizadora ba reuniuan ba dala 14 ka desima quarta reuniuan ba ministru da edukasaun da CPLP neebe mak sei akontese iha 6-7 maiu entau ami mai aktualiza imformasaun nee ba sua exelensia Prezidente Republika no aumezmu tempu husu sua exelensia atu fo mensajen ba reuniaun refere.
Ministra hatete, atividade nee sei hahu iha dia 4 maiu ho enkontru reuniaun ho seminariu internasional konaba alimentasaun eskolar no perito sira sei mai husi nasaun CPLP nia no sekretariu CPLP mak eskolha.
No iha 5 sei iha komemorasaun boot ida iha Timor konaba selebrasaun dia internasional lingua portuguesa, aumesmo tempu selebrasaun ba komemorasaun ba kultura CPLP no iha loron 6 sei kontinua ho enkontru ho pontu fokal ba edukasaun CPLP no iha loron 7 hahu ho reuniaun dos Ministrus Edukasaun CPLP.
Ministra hatutan tema ba enkointru nee mak, Edukasaun, Valor Demokratiku sira no Partisipasaun Sivika Dalan sira atu hametin Sosiedade sira CPLP nian.
“Tema mak edukasaun valores demokratiku no partisipasaun sivia, caminhos para o portalesimento da sosiedade da CPLP, Tema nee Ministeriu edukasaun mak hili lori ba aprezenta iha konsellu Ministru no hetan aprovasaun, ami hatoo fila fali ba iha sekretariadu CPLP I hotu hotu konkorda ho tema nee ida nee mak sai tema ba reuniaun ba Ministros da edukasaun,” katak Ministra.
Tuir Ministra nia haree tema nee reflete duni ba situasaun edukasaun iha Timor Leste? Hatan ba kestaun nee Ministra hatete tema nee eskoilha laos reflete deit situasaun Timor Leste nia mais nasaun sira iha pais CPLP hotu kedas tanba nee mak sekretariadu konkorda atividade nee laos Ministeriu edukasaun Timor Leste deit mak deside maibe sempre iha enkontru ou reuniuan ponto fokais hotu husi pais CPLP hodi deside ajenda nunee mos deside tema sira nee hotu.
Nia hatutan Prezidente Republika tuir Pratika kultura iha enkontru ou reuniuan Ministru nee la involve Xefe Estadu maibe iha sesaun solene iha dia 5 ba komemorasaun dia internasional da lingua portuguesa nomos kultura CPLP iha kalan sei konvida Prezidente Republika no Prezidente disponivel atu marka prezensa. “Ami ohin mai husu sua exelensia atu fo mensajen,” katak Ministra.
Aleinde nee, daudaun infraestrutura barak mak oras nee kondisaun aat, oinsa Ministra eduaksaun nia planu hadia ba kondisaun sira nee hatan ba kestaun nee Ministra laiha resposta maibe hatoo deit obrigada.
(eme)
