DILI, STLTIMORLESTE.com – Prezidente Republika (PR), Jose Ramos Horta hatoo gratidaun ba Misaun Internasional neebe apoiu Timor Leste ba indepedensia no estabilidade.
Liu husi komunikadu neebe STL asesu husi media Prezidensia Republika, Segunda (27/04/2026) hatete, Prezidente Republika Jose Ramos Horta hatoo gratidaun boot ba misaun internasional sira no pesoal nain rihun ba rihun neebe apoia Timor Leste nia dalan ba independensia no estabilidade dezde 1999.
Prezidente Ramos Horta hatoo kestaun nee liu husi diskursu bainhira hamutuk ho diplomata, veteranu, no militar sira iha Dili komemora Loron ANZAC, hodi onra relasaun neebe forte entre Timor-Leste, Australia, no Nova Zelandia.
Iha serimonia neebe nakonu ho sentimentu, Prezidente reflete kona-ba espíritu Anzac korajen no sakrifísiu nian, hodi haree fali ba ninia signifikadu husi kampana Gallipoli iha 1915 too iha kampu batalla Segunda Gerra Mundial nian iha rai Timor.
Xefe Estadu enfatiza katak legadu ida-nee, neebe harii iha tempu funu no dame, sai hanesan pilar ida ba identidade nasional ba nasaun tolu nee hotu.
“Hatoo gratidaun boot ba misaun internasional sira no pesoal nain rihun ba rihun neebe apoia Timor-Leste nia dalan ba independensia no estabilidade dezde 1999. Hodi foti asuntu kona-ba solidariedade neebe klean entre nasaun vizinu sira, Militar no ofisial polísia rihun ba rihun mak serbí ona iha Timor-Leste durante tinan hirak nee. Ba sira hotu, ami hatoo tan gratidaun husi povu ida neebe la haluh,” dehan PR Horta.
Prezidente mos anunsia katak nia konvida ona Primeiru-Ministru ka Governador Jeral Australia nian hodi tuir komemorasaun tinan 2026 iha Dili.
Xefe Estadu nota katak, vizita hanesan nee sei hametin liutan ligasaun istorika no umanu neebe kria unidade iha rejiaun laran, hodi projeta Timor Leste hanesan fatin memoria no esperansa nian.
Serimonia nee remata ho apelu ida hodi hafoun fali kompromisu ba kooperasaun internasional no mundu ida neebe justu liutan, hodi reflete espíritu reziliensia husi veteranu sira neebe onra ona.
(eme)PR Horta Hatoo Gratidaun ba Misaun Internasional Neebe Apoiu TL ba Dalan Independensia DILI, STLTIMORLESTE.com – Prezidente Republika (PR), Jose Ramos Horta hatoo gratidaun ba Misaun Internasional neebe apoiu Timor Leste ba indepedensia no estabilidade.Liu husi komunikadu neebe STL asesu husi media Prezidensia Republika, Segunda (27/04/2026) hatete, Prezidente Republika Jose Ramos Horta hatoo gratidaun boot ba misaun internasional sira no pesoal nain rihun ba rihun neebe apoia Timor Leste nia dalan ba independensia no estabilidade dezde 1999.Prezidente Ramos Horta hatoo kestaun nee liu husi diskursu bainhira hamutuk ho diplomata, veteranu, no militar sira iha Dili komemora Loron ANZAC, hodi onra relasaun neebe forte entre Timor-Leste, Australia, no Nova Zelandia.Iha serimonia neebe nakonu ho sentimentu, Prezidente reflete kona-ba espíritu Anzac korajen no sakrifísiu nian, hodi haree fali ba ninia signifikadu husi kampana Gallipoli iha 1915 too iha kampu batalla Segunda Gerra Mundial nian iha rai Timor. Xefe Estadu enfatiza katak legadu ida-nee, neebe harii iha tempu funu no dame, sai hanesan pilar ida ba identidade nasional ba nasaun tolu nee hotu.“Hatoo gratidaun boot ba misaun internasional sira no pesoal nain rihun ba rihun neebe apoia Timor-Leste nia dalan ba independensia no estabilidade dezde 1999. Hodi foti asuntu kona-ba solidariedade neebe klean entre nasaun vizinu sira, Militar no ofisial polísia rihun ba rihun mak serbí ona iha Timor-Leste durante tinan hirak nee. Ba sira hotu, ami hatoo tan gratidaun husi povu ida neebe la haluh,” dehan PR Horta. Prezidente mos anunsia katak nia konvida ona Primeiru-Ministru ka Governador Jeral Australia nian hodi tuir komemorasaun tinan 2026 iha Dili. Xefe Estadu nota katak, vizita hanesan nee sei hametin liutan ligasaun istorika no umanu neebe kria unidade iha rejiaun laran, hodi projeta Timor Leste hanesan fatin memoria no esperansa nian. Serimonia nee remata ho apelu ida hodi hafoun fali kompromisu ba kooperasaun internasional no mundu ida neebe justu liutan, hodi reflete espíritu reziliensia husi veteranu sira neebe onra ona.
(eme)
