DILI, STLTIMORLESTE.com – Prezidente Parlamentu Nasional, Maria Fernanda Lay hatete, poupa Orsamentu Jeral Estadu 2026 ho diak, tenke hamenus atividade deslokasaun.
Prezidente Parlamentu Nasional, Maria Fernanda Lay hatoo kestaun nee ba jornalista sira, bainhira remata halo enkontru ho Prezidente Republika Jose Ramos Horta iha palasiu Prezidensial Nicolau Lobato Bairo Pite, Segunda (27/04/2026).
“Hau hanoin prosesu nee koalia ona iha parlamentu, parlamentu mos foti medida tanba vizita fiskalizasaun ita lao kuaze keliling komisaun hotu hotu ba munisipiu hau hanoin durante ita nia kumbustivel nee ita importa klaru ita tenke poupa para ke orsamentu neebe tau ona 2026 bele too ita tenke hamenus ita nia atividade deslokasaun,” katak PPN.
Parlamentu nasional nia kompetensia mak halo fiskalizasaun, no alternativa saida mak PN halo para halo fiskalizasaun ba kombustivel sira? Hatan ba kestaun PPN hatete, prosesu nee koalia ona iha parlamentu, parlamentu mos foti medida tanba vizita fiskalizasaun kuanze haleu komisaun hotu hotu ba munisipiu.
“Hanoin ida nee pelumenus iha premeiru Trimester ate premeiru tremestre ita haree se situasaun muda klaru ke sira bele lao hanesan babain selae medidas ba oin hein tanba Governu mos sei hatoo retifikativu neebe koalia ba rezerva ita nia kumbustivel tanba ita importa hotu,” katak nia.
Aleinde nee planu parlamentu atu harii edefisiu nia prosesu too iha neebe ona? Hatan ba kestaun nee Prezidente Parlamentu Nasional hatete edefisiu rai deit too agora seidauk iha tanba nee Prezidente Parlamentu sei la koalia.
“Tenke iha rai uluk depois mak halo dezenho porkue rai kiik labele halo edefisiu boot neebe hau hanoin ida nee latama iha nee,” hakotu.
(eme)
