DILI, STLTIMORLESTE.com – Eskola Sekundáriu Jeral nu. 4 Setembru Balide kada loron sempre halo kontrola ba profesores sira, karik la halo planu de aula mak parte eskola halo relatóriu ba Ministériu Eduksaun (ME).
Lia hirak nee hatoo husi Diretor Eskola Sekundariu Jeral nu. 4 Setembru Balide, Sergio A. da Cruz ba STL iha nia knaar fatin Balide, Tersa nee (28/04/2026).
“Bainhira ita nian profesores sira dader tama tarde eskola, nee lista prezensa mak kontrola sira. Sira la halo planu de aula, nee husi parte eskola hatoo Informações ba Inspeção no Edukasaun Munisipiu, los duni sira halo, tanba nee eskola sempre halo kontrola ba ita nian profesotes sira,” nia haktuir.
Sergio dehan, kada loron profesores sira tenke halo planu de aula, hafoin sira bele halo prosesu aprendizajen ba estudantes sira, agora bainhira sira la kumpri mak eskola sei halo relatoriu hodi bele hatoo ba parte Edukasaun Munisípiu no Nasional.
Iha fatin seluk, Diretor Eskola Hotelaria no Turizmu Becora, Charles F. Guterres hatete, profesores sira sempre halo planu de aula, tanba kada profesores sira bainhira halo aprendizajen ba estudantes sira nee tenke halo planu de aula, depois husi eskola nafatin halo kontrolu ba profesores sira.
“Ita nian profesores sira sempre halo planu de aula, tanba kada profesores sira, bainhira halo aprendizajen ba estudantes sira, nee tenke halo planu de aula, depois husi eskola nafatin halo kontrolu ba professores sira,” nia afirma.
(jac)
