DILI, STLTIMORLESTE.com – Prezidente Republika (PR), Jose Ramos Horta presta omenajen ba matebian kazal nain rua Alcino da Costa Afonso no Mariana dos Santos foin lalais akontese udan boot halo Mota Karau Ulun iha Munisipiu Covalima lori iha Sabadu nee.
Bainhira Prezidente Republika Jose Ramos Horta too iha matebian nia uma iha Suku Matain, Munisipiu Covalima, oan kiak nain haat hamutuk ho familia ho laran triste simu Prezidente Republika ho matan been, hotu hotu ba hakoak Prezidente Republika ho laran susar ho ida nee Prezidente Republika hamonu matawen.
Oan kiak nain haat tanis hodi hatoo ba Prezidente katak inan aman laiha ona semak bele tau matan ba sira nain 4, no ema bolu inan aman sira laiha inan aman, ho ida nee Prezidente Republika husu direita oan kiak nain 4 nia presiza liu mak saida, hakarak eskola ou hadia uma.
Ba jornalista iha Suku Matain, Tersa (28/04/2026), Terezinha Maia nuudar oan Kiak hatete, sira la husu buat barak maibe hakarak husu Prezidente hadia deit uma dignu ba sira hodi hela.
“Husi Hau hakarak hatoo deit ba Nain Prezidente katak hau lahusu buat barak maibe hau hakarak deit atu hadia hau nia Inan Aman nia fatin, no loke tan kios ba ami oan kiak nunee aban bainrua bele sustenta ba ami nia aan,” dehan Terezinha.
Nia hatete bainhira hetan Prezidente mai Iha nee “sente triste no kontente karik laos hau nia Inan aman karik Inan aman lamai too ami nia fatin maibe tanba hau nia Inan aman nia mate no hanoin ami oan kiak halo Prezidente mai Iha fatin ida nee,” katak nia.
Nia hatete nian Inan aman Matebian husik hela oan kiak Nain 4 no oan mane mak harii ona familia maibe Nain Tolu seidauk harii familia.
Nunee mos Daniel Fernanda nuudar Familia Matebian hatete Akontese nee Kazal Nain rua husi toos mai uma Iha Sabado nee maibe tanba udan boot, rejulta mota boot entau Matebian Mane salva nia feton Nain rua hakat liu mota, no hakat fali ba salva tan ferik oan mak mota ho korente boot halo sira la konsege hakat liu.
“Ba fali foti nia ferik oan maibe mota korente boot fila ba kotuk labele mai oin labele mota konsege lori Matebian Nain rua, depois ida nee ami familia kontaktu malu familia Bairru laran sai tomak ba too Kamanasa tuir mota too neeba hetan ferik hasai tiha ferik nia isin mate depois kontinua buka mane too Tasi ho ekipa Bombeiros tun no APC mos tun maibe buka lahetan jam9 kalan ami fila no Domingo dader tuku 5 ami sai husi nee ba buka tuir mota too Tasi iha Bairru Welaliti Parte Suai Loro nia mak hetan mane,” katak Familia Matebian.
Nia hatete nuudar familia sente triste tanba lakon familia Nain rua fila dala ida ba Nain nia Kadunan Santo tanba impaktu laiha ponte.
Nia konta katak mota Karau Ulun nee laos foin lori Kazal Nain rua maibe tinan hira ba kotuk akontese uluk Lori uluk komunidade balun tanba nee nia rekomenda ba Governu karik Iha hanoin diak ajuda halo ponte.
“Nuudar familia Matebian hatoo ba Nain Prezidente ami la husu buat barak maibe ami husu Nain Prezidente tau matan ba oan kiak Nain haat neebe dadaun nee hela,” katak Familia Matebian.
“Kondisaun uma hanesan nee tanba nee husu Nain Prezidente tau matan netik uma naton ba akompanha ho mobiliariu ruma loke kios ruma nunee tulun oan kiak Nain 4,” katak nia.
Nia konta katak, Matebian Feto hetan Iha Sabadu lokraik no Matebian mane hetan iha Domingu nee, no Funebre iha loron Segunda.
Nunee mos Prezidente Republika Jose Ramos Horta hatete tempu badak sei apoiu halo uma ba oan kiak nain haat.
“Sira neebe lakon familia Pay, May, maun alin nain 4 hamutuk feto rua mane rua, komforme sira hakarak desizaun, sira neebe hakarak estuda nafatin, tanba feto rua ida 25 anos ida 20 anos ida pelumenus estuda hela Prezidensia ka hau rasik bele ajuda kontinua estuda nunee labele para, bele halo estudu iha Suai, ou bele iha Dili komforme sira,” dehan Prezidente Republika.
Iha biban nee Prezidente Republika mos promete katak sei buka hadia oan kiak nain haat nia uma, nunee sira bele hela hakmatek iha laran.
“Sei buka hadia mos sira nia uma, nee iha tempu badak bele halo nee ajuda kiik oan, maibe Governu mak iha mandatu boot liu kapasidade hodi haree konaba problema inundasaun nee tekniku enjeneria sira mak bele haree,” katak Horta.
Nunee mos Sekretariu Estadu Protesaun Sivil Domingos Mariano Reis hatete Nunu Governu konstitusional neebe lidera husi ita nia maun boot Kay Rala Xanana Gusmao liu husi Ministeriu Interior Sekretariu Estadu Protesaun sivil iha misaun boot ida atu serbi no proteze sidadaun sira husi kauza ka dezastre naturais.
“Ami nia misaun mak saida, Prepara resposta no rekopera ba vitima sira por kauza dezastre hodi bain tolu hau simu imformasaun husi Komandante APC iha autoridade protesaun Suai katak udan boot tebes iha Suai I hau oreinta kedas nia katak kordena ho ita nia autoridade sira Xefe Suku Xefe Aldeia lider komunitariu ho joven sira mobiliza atu salva ita nia inan aman husi fatin neebe risku ba fatin neebe seguru, nee etapa premeiru,” katak nia.
Segundu apoiu imediata aihan nomos laos aihan nee apoiu emerjensia, no terseiru halo levantamentu dadus re verifika grau estragus.
Nunu Governu Konstitusional liu husi sekretariu Estadu Protesaun Sivil no Prezidente Autoridade Protesaun sivil nafatin hatoo solidaridade ba vitima tomak iha Suai neebe hetan dezastre por kauza husi inundasaun.
(eme)
