DILI, STLTIMORLESTE.com – Timor Leste (TL) Hearts Fund halo kolaborasaun ho Hospital Nasional Guido Valadares (HNGV) hodi haree ba moras fuan iha TL.
CEO Timor Leste Hearts Fund, Jane Wiliams ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Segunda nee (04/05/2026) hatete, ohin mai hasoru malu ho Prezidente Republika Jose Ramos Horta oinsa halo kolaborasaun ho HNGV hodi haree ba moras fuan.
“Reuniaun ohin ami hasoru malu ho senhor Prezidente atu koalia liu tan kolaborasaun ho ami nia parseiru foun neebe semana ida nee vizita ami husi fizer Global Hearts, neebe ami koko ajuda, liu-liu iha ekipa Cardolozia ou moras fuan iha HNGV atu estabelese sistema ida neebe sentralizada, nunee ami bele kolekta data ba moras kadavaskolar no moras rematismo fuan nian,” katak CEO Timor Leste Hearts Fund.
CEO hatete, programa pilotu nee komesa uluk iha kadavaskolar nian, nunee bele hatene numeru moras kadavaskolar iha Timor Leste, nunee halo planu ida neebe estratejiku oinsa maneja moras sira nee halo planu prevensaun ida neebe diak tebes ba iha moras nee.
Nia hatete, daudaun nee ekipa iha ona Timor Leste, balun husi Timor oan, husi Hearts Fund ho HNGV nee parseiru diak hodi haree pasiente liu-liu pasiente sira neebe ho moras rematik no servisu hamutuk ona dezde 2010 no parseiru neebe foun nee husi ekipa husi Korea do sul nomos Estadus Unidos Amerika.
Nia hatete, sira mai daudaun nee atu haree kondisaun nee halo nusa, durante vizita nee HNGV haree oinsa iha sistema rejistu pasiente, sistema koleta data neebe oras nee seidauk iha sistema, neebe sentralizada no aban ekipa sei vizita ba hospital iha Baukau atu haree sistema iha neeba halo nusa, nunee bele haree sistema ida neebe bele aplika liu liu iha unidade Cardolozia, nunee bele koleta data ida neebe centralizada no bele ajuda hodi komprende liu tan numeru pasiente ida neebe mai ho numeru kada kadavaskolar bele iha estatisku neebe diak tebes. bainhira iha estatistiku no evidensia hodi bele halo prevensaun neebe diak liu tan .
Nunee mos Cardiolojista iha HNGV, Claudia Magno hatete, Timor Leste Hearts Fund agora daudaun ajuda iha estabelese planu estratejiku ba Cardolozia nia, no sira serbisu ho ami fokus liu ba iha moras Kardiaka nia neebe programa ida nee tama hotu iha planu estratejiku ba moras Cardiaka nia neebe koko hela atu forma iha planu ba tinan 5 no tinan 10 nia.
“Ida nee hanesan etapa primeiru ami foku uluk iha moras kardiaka nian nee depois ita bele haree fali iha tuir mai oin, husi programa ida nee bele halo luan liu tan,” katak nia.
“Ita nia HNGV iha sistema rasik, iha sistema data kolekta ida nee ami hakarak foku liu ba iha moras Cardolozia nia no moras kadavaskolar,” katak nia.
Iha hasoru malu nee Prezidente Republika apresia ba Timor Leste Hearts Fund neebe prontu apoiu Timor Leste oinsa halo prevensaun ba moras Cardolozia ou moras fuan nia iha Timor Leste.
(eme)
