DILI, STLTIMORLESTE.com – Prezidente Komisaun Reguladora Arte Marsias (KRAM), Octavio da Conceição ho nia delagasaun hasoru malu hodi halo Audensia Koordenasaun Servisu ho Komandante Jeral (KomJer) Polisia Nasional Timor Leste (PNTL), Komisariu Assistente Polisia Afonso dos Santos ne’ebe akompanha husi Komandante Komando Operasaun PNTL Komisariu Assistente Polisia Armando Monteiro, iha Komando Jeral PNTL.
Nia dehan, KRAM ohin halo audensia ida ho Komandante Jeral Polisia Nasional Timor Leste (PNTL), Komisariu Assistente Polisia Afonso dos Santos hodi informa progresu servisu sira relasiona ho kooperasaun entre KRAM ho PNTL liga ho lei deziminasaun arte marsias nomos liga ho dialogu komunitariu neebe KRAM organiza hamutuk ho PNTL iha nivel no teritoriu nasional mos.
“Ita mai halo audensia koordenasaun servisu ho Komandante Jeral Polisia Nasional Timor Leste (PNTL), Komisariu Assistente Polisia Afonso dos Santos atu hametin liu tan kooperasaun servisu teknik sira iha terenu,” hatete Prezidente Komisaun Reguladora Arte Marsias (KRAM), Octavio da Conceição ba jornalista sira iha KomJer, Tersa (05/05/2026).
Nia esplika, audensia nee ho objetivu parte KRAM informa progresu servisu sira relasaun ho kooperasaun entre KRAM ho Komando PNTL iha prosesu servisu sira liga ho Dezeminasaun Lei Arte Marsias, Dialogu Komunitaria iha neebe KRAM organiza hamutuk ho Komando PNTL iha nivel Teritoriu Nasional.
Entretantu delegasaun KRAM nee kompostu husi Komisaria Maria do Rosario F.C de Araújo Reprezentante Ministeriu Justisa, Komisariu Augusto De Araújo Reprezentante Ministeriu Edukasaun, Konselleiru Tékniku KRAM Inspetur Xefe Polisia, Inocencio Araújo da Silva, Sekretáriu Ezekutivu Mateus Lemos Soares no Asesor husi Ministeriu Juventude Desportu Arte no Kultura (MJDAC).
(jen)
