DILI, STLTIMORLESTE.com – Serimonia komemorasaun 20 Maiu 2026 ho tema “Hamutuk ita Harii Patria ida Neebe Justa, Inkluziva no Reziliente” sei komemora iha Tasi-Tolu, Dili.
Kestaun nee hatoo husi Ministru Administrasaun ESTATAL, Tomas Cabral ba jornalista iha palasiu Prezidensial Nicolau Lobato, Bairo Pite, Tersa (05/05/2026) hatete, mai relata preparasaun 20 Maiu ba Prezidente Republika Jose Ramos Horta no serimonia sei halao iha Tasi-Tolu, Dili.
“20 Maiu tinan ida nee ita komemora 24 anos ba restaurasaun indepedensia, atividade sira sei hahu iha 17-20 no atividade sira hotu sei halo iha Tasi-Tolu, tanba iha Dili sei iha engrafamentu, serimonia bandeira iha tasi tolu abertura konsertu muzika sira nee iha 17 no 20 maiu enseramentu,
Ministru hatete iha konfirmasaun tanba bainaka balun sei mai partisipa serimonia komemorasaun 20 maiu, husi Indonezia, Australia, Portugal maibe hein komfirmasaun.
“So husi Australia mak komfirma iha 18-21 husi indonezia eis Ministru negosiu estranjeiru mak sei mai husi 18-20 husi Portugal mak seidauk iha komfirmasaun inprinsipiu Ministru defeza maibe ho situasaun iha neeba sira seidauk komfirma bainaka komfirmado mak husi Australia no Indonezia seluk seidauk hatene normalmente too tempu badak mak bele husu pedidu ba rejistu ba vizita nee,” katak Ministru.
Ministru hatete partisipante sira nee balun husi eis membru Governu, no dadaun nee halo esplorasaun petroliu ho Australia tanba nee kompanha sira nee sei mai hotu akompanha komemorasaun 20 Maiu nunee sira bele haree prosesu investimentu sira nee, no husi Portugal mak Ministru Defeza.
Orsamentu ba komemorasaun 20 maiu nee hira hatan ba kestaun nee Ministru hatete konaba orsamentu nia ladun hatene.
Foin lalais Sorumutu Konsellu Ministrus Loron 15 fulan-Abril tinan 2026, dilibera hodi hili ona Tema ba Komemorasaun Loron Restaurasaun Independensia 20 Maiu, neebe apresenta husi Ministru Administrasaun Estatal, Tomas do Rosario Cabral, iha reuniaun Konsellu Ministru, Palasiu Governu. Aprezenta proposta ba Konsellu Ministrus delibera hodi hili tema “Hamutuk ita Harii Patria ida Neebe Justa, inkluziva no reziliente Liutan” ba serimonia ofisial sira selebrasaun aniversariu Restaurasaun Independensia Timor-Leste nian ba dala 24, neebe selebra iha loron 20 fulan Maiu tinan nee.
(eme)
