DILI, STLTIMORLESTE.com – Prezidente Republika (PR), Jose Ramos Horta hatete, Governu presiza iha hanoin oinsa hasae salariu minimu husi US$ 115 ba US$ 170.
Prezidente Republika Jose Ramos Horta hatoo kestaun nee ba jornalista sira, bainhira remata vizita komisaun funsaun publika iha Salaun KFP, Tersa (05/05/2026).
Prezidente Republika hatete, konkorda atu aumenta salariu Minimu husi US$ 115 ba US$ 170, tanba iha Republika Indonezia oras nee dadaun salariu minimu sae ona ba 200 dolar.
“Hau konkorda tenke haree ho aumenta dadaun salariu minimu nee US$ 170 laos aas demais koresponde ba ita nia ekonomia ba ekonomia internasional no ita tau US$ 170 sei iha nafatin menus duke iha indonezia, indonezia agora 200 e tal portantu ita nia governu sindikatu sira propoint nee hau hatete ba governu ita tenke konkorda tanba salariu minimu nee 20 ital anos ona klaru uluk 80 e 60 dollares maibe 115 nee demais no ema sira nee kiak sira nee neebe manan 150, no 115 manan 170 ital karik sira kontribui ba sira nia familia kontribui ba rai nee entaun hau konkorda 100%,” dehan Prezidente Republika.
Aleinde nee sekretariu Estadu Formasaun Profesional no empregu Sefope hamutuk ho Konselhu Nasional Traballu finaliza ona revizaun lei konaba salariu minimu ba traballador hein diskusaun iha reuniaun Konselhu Ministru.
Iha tinan 2025 Sefope hamutuk ho Konsellu Nasional Traballu lori ona esbosu proposta salariu Minimu ba Konselhu Ministru maibe hetan rekomendasaun neebe presiza hadia.
(eme)
