DILI, STLTIMORLESTE.com – Ministeriu Eduksaun (ME) halao enkontru ho Reinu Unidu (UK), hodi koalia kona-ba sira nian apoiu ba ME iha setor edukasaun.
Haktuir Ministra Eduksaun (ME), Dulce de Jesus Soares ba jornalista sira iha sala VIP Ministeriu Edukasaun Vila-Verde, Kuarta nee (06/05/2026).
“Ohin enkontru ho misaun Reinu Unidus nian ba ASEAN, sira sei explora atu bele ajuda TL, liu-liu fokus ba iha aprendizajen ba iha baze, entaun sei foka iha ensinu baziku nomos ensinu sekundariu, maibe sei foka liu ba iha ensinu baziku, pois de explora sira iha ona proposta, ME sei tur hamutuk ho sira para atu haree, nunee apoiu neebe mak sira fo mai ME iha alineamentu ho programa ME,” nia afirma.
Nia dehan, neebe mak ho prioridade importante, ita tau iha literasia baze no numerasia baze atu reforsa estudantes sira husi primeiru ano too sestu ano, atu sira bele iha konhesimentu diak tebe-tebes, husi buat neebe mak sira aprende iha eskola, nunee mos atu programa nee bele lao ho diak, sira mos fo apoiu ba iha formasaun hodi reforsa liu tan INFORDEPE.
“Mezmu tinan rua liu ba liu husi misaun UK ninia, apoiu materia impedorerizmu liu husi apoiu UN, halao ona iha eskola tekvo iha Timor laran, maibe agora atu hakat ba iha isu ida neebe mak agora iha mundu nee, ema hotu preokupa kona-ba literasia numerasia baze ba estudantes sira, husi nivel pre eskolar nunee mos ensinu baziku,” katak nia
Nia hatutan, nestemomentu sira seidauk iha diskusaun kona-ba apoiu nee iha formatu saida, hahu husi agora dadaun, iha tempu sei ba too iha reinu unidus, atu nunee apoiu sira nee bele tau iha prioridade.
Nunee mos Minister Counsellor-Development Indonesia,Timor Leste and ASEAN, Peter Rajadiston dehan, haree ba iha programa dezenvolvimentu nian, Reinu Unidu ohin halo enkontru ho Ministra nee atu koalia konaba pontu importante liu konaba setor eduksaun nian, oinsa mak sira bele fo apoiu ba governu liu husi ME.
“Oinsa mak atu fo apoiu ME iha numerasia no literasia, hodi apoiu estudantes sira, ida nee ba ensinu pre eskolar no sekundariu, apoiu husi UK nian atu fo kapasitasaun ba ita nian manorin sira, manorin hira mak atu fo kapasitasaun, maibe ida nee koalia jeralmente deit, tanba ohin mak foin halo enkontru,” tenik nia.
Nia afirma, iha programa balun neebe mak UK apoiu ona nasaun balun, iha TL ida nee sira espera katak bele hahu iha fulan Agostu ida nee, depois sira sei fo sai anunsiu ba públiku, bainhira mak sira sei bele hahu programa nee ho Governu TL.
(jac)
