DILI, STLTIMORLESTE.com – Komando Polìsia Nasionàl Timor Leste (PNTL) alerta ba membru polìsia atu labele halo asaun hasoru komunidade, tanba PNTL iha regra forte hodi prosesa aktu hirak nee.
Informasaun hirak nee hatoo husi Segundu Komandante Jeràl, Komisària Assistente Polìsia, Natercia Soares Martins ba jornalista sira iha Otel J. Wolrd Dili, Tersa (12/05/2026).
“Ita asesu informasaun durante oras 24, no hau fiar katak iha ona atensaun husi Komando PNTL nian, depois ita boot sira akompanha se deit mak komete abuzu podèr, ita iha regra neebe forte atu bele prosesa aktu sira nee,” nia esplika.
Nia informa, Komando Jeràl PNTL sempre iha informasaun, imi mèdia sira akompanha Komandante Jeràl ninia deklasaraun durante nee nia deklara katak, automatikamente deklarasaun fila-fila ona katak, atuasaun hotu-hotu tenke tuir lei.
“Atuasaun polisia nian kuandu la justifika tuir lei, Komando sei hola asaun ida seriu, atu bele prosesa pesoal ida neebe komete aktu krime ou abuzu poder hanesan mos membru polísia,” nia afirma.
(jen)
