DILI, STLTIMORLESTE.com – Prezidente Republika (PR), Jose Ramos Horta enkontru ho Enviadu Espesial Mikronezia Hametin ligasaun kona-ba klima no governansa OSEANU.
Prezidente Republika, Ramos-Horta, hasoru malu ho Enviadu Espesial Mikronezia nian, Khadi Elieiser, iha marjen Simeira Oseanu Melanezia nian iha Port Moresby. Diskusaun nee foka ba haforsa kooperasaun entre nasaun illa sira kona-ba asaun klimatika no protesaun OSEANU.
Tuir komunikadu STL asesu Kuarta (13/05/2026) hatete, parte rua nee sublina nesesidade ba kbiit ida neebe unidu ba governansaun marítima sustentavel no fahe meta konservasaun internasional hodi harii reziliensia hasoru ameasa alterasaun klimatika neebe aumenta ba beibeik.
Reuniaun nee foti importansia husi Timor-Leste nia pozisaun estratejika nuudar ponte entre Pasífiku no Sudeste Aziatiku. Nuudar observador husi Forum Ilha Pasífiku nian no membru ba da-11 ASEAN nian, Timor-Leste iha objetivu atu haburas artikulasaun polítika no teknika neebe klean liutan entre rejiaun rua nee.
Prezidente Ramos-Horta no Enviadu Elieiser esplora dalan sira hodi uza estatutu uniku nee hodi dudu progresu rejional no ajenda dezenvolvimentu mutuu iha korredor marítimu sira.
(eme)
