BAUKAU, STLTIMORLESTE.com – Udan boot neebe akontese iha loron 13 Maiu nee rezulta estrada Munisipal ba Postu Administrativu Baguia kotu iha fatin rua.
Estrada refere iha area dalas, Suku Samalari, Postu Baguia pur-volta tuku 13:00 meudia nee kotu total, provizoriu fo impaktu ba movimentasaun transporte publiku diresaun husi Postu Baguai ba Baukau Vila inklui husi Baukau Vila ba Baguia.
Nunee mos iha loron hanesan pur-volta 09:00 dader udan hakotu estrada iha area Basaharawai provizoriu fo impaktu ba movimentasaun transporte publiku no ema lao ain husi Baguia Vila ba Suku Ossohuna no Afaloikai.
Too notisia nee publika, STL seidauk hetan komfirmasaun husi Autoridade Postu Administrativu Baguia.
(tom)
