DILI, STLTIMORLESTE.com – Timor Leste (TL) hetan oportunidade hodi hamriik hanesan paviliaun dahaat (4) neebe diak no uniku liu husi obra tais Don, neebe aprezenta husi Dona Veronica Pereira Maia, no akompanha ho muzika husi artista Etson Caminha, Cuale (Flow) no Juventino Madeira, nuudar artista neebe joven liu entre sira.
Sekretariu Estadu ba Arte no Kultura (SEAK), Jorge Soares Cristovão hatete, jusi pais 100 resin neebe marka prezensa, TL iha oportunidade sai nudar kuatru lugar, fo oportunidade ba vizitante sira hodi bele vizita pavilliaun TL nian neebe uniku oituan husi prezensa kada pais neebe mak aprejenta iha Biannalle nee. Uniku neemak obra ida neebe mai husi Dona Veronica nian, tais Don neebe marka istoria, neebe laos konta deit pasadu neebe akontese maibe relembra fali nasaun ida neebe mak hetan nia vitoria. Kombinasaun dadoli sira neebe aprezenta identidade no tradisional sira neebe mak mesak furak iha aprezentasaun nee.
Nia katak, aprejentasaun nee laos reprezenta arte no kultura deit maibe entre arte kultura no historia neebe mak Timor iha, ida neemak marka diferente entre TL ho pavilliaun sira seluk.
“Lori governu nia naran louva no apresia ba artista sira, liu liu Dona Veronica neebe la konsege partisipa iha abertura TL nian maibe reprezenta husi nia oan feto boot ho artista nain rua neebe mak prezensa sira nia obra. Parabens ba artista Juventino neebe sai nudar artista neebe joven liu entre artista sira seluk halo aprezentasaun ba obra foun ida, ho fraze neebe seidauk hotu (An Unfinished Sentence), instalasaun video multiscreen neebe movimentu no camada barak. Husi obra sira nee lori TL hetan kuatru lugar pavilion neebe diak, tanba mai ho arte konteporanea neebe signifikativu tebes,” dehan Jorge bá jornalista sira bainhira fila hikas mai Timor Leste iha Aeroportu Nicolao Lobato, Komoro, Kuarta (13/05/2026).
Nia afirma, liu husi Timor-Leste nia partisipasaun ho aprezentasaun husi expozisaun internaisonal arte konteporanea nee, maioria hetan resposta neebe positivu tebes husi partisipantes sira iha mundu internasional, no iha corisiodade hodi vizita no konhese liu tan TL nia pavilion neebe iha Arsenale, Biannale arte 2026 iha sidade Venice-Italia.
Iha biban nee membru governu nee hatoo agradese no apresia bá servisu hodi apoiu no suporta husi Akuradora neebe hamutuk ho Komisaun Organizadora, Embaixador TL ba Santa Se no Embaixadora TL ba Italia, Konseleiru sira no MJDAK. Agradese mos bá identidade sira apoiu no suporta husi grupu arte no sangar sira iha TL neebe sempre apoiu malu entermu apoiu moral husi kolega nain rua neebe mak reprejenta sira iha aprezentasaun paviliaun nee.
(dom)
