DILI, STLTIMORLESTE.com – Servisu Eduksaun Munisipiu Bobonaro sei konfirma kona-ba alojamentu nian ba bolsa kandidatu profesores iha area remotas.
Lia hirak nee hatoo husi Diretor Servisu Edukasaun Munisípiu Bobonaro, Miguel Freitas ba STL liu husi telefone, Kinta nee (14/05/2026).
“Kona-ba alojamentu agora daudaun bolsa kandidatu sira nee sei aluga komunidade sira nia uma, kona-ba osan alojamentu nian nee hau seidauk halo kofirmasaun ho sira, nee duni hau labele naran fo informasaun ba asuntu ida nee, hau presiza konfirma ho ho ita nian Bolsa Kandidatu profesores sira, balun hau kontaktu nomor mate no ida iha Atabae nee la foti telefone, maibe hau sei tenta atu konfirma ho sira,” katak nia.
Miguel akresenta, ba asuntu ida nee presiza konfirma didiak ho bolsa kandidatu profesores sira, neebe daudaun nee halao knaar iha Munisipiu Bobonaro, tanba daudaun nee balun kontaktu sira no telefone mate.
Iha fatin seluk, Deputadu Bankada FRETILIN, Dário Madeira dehan, problema edukasaun relasiona ho profesor sira neebe destakadu iha suku no aldeia remota sira, tanba too agora seidauk simu sira nia direitu alojamentu, iha loron 2 Maiu, Ministra Edukasaun dehan ona katak pagamentu ba profesor destakadus hotu ona. Maibe tuir realidade iha terenu barak husi professor sira seidauk simu direitu refere.
“Tuir hau atu hatete katak profesor destakadus sira nee hetan deit salariu cerca US$ 270, neebe uza ba aluga uma no nesesidade loron-loron, ho difikuldade atu sustenta família,” katak nia.
Deputadu nee husu ba Ministeriu Edukasaun atu la koalia deit kona-ba falta orsamentu, maibe presiza haree diretamente ba realidade neebe profesor sira hasoru iha terrenu no buka solusaun konkretu atu rezolve problema refere.
(jac)
