DILI, STLTIMORLESTE.com – Primeiru Ministru (PM), Kay Rala Xanana Gusmão Kongratula Prezidente Republika (PR), Jose Ramos Horta, tanba partisipa Simeira Inaugural Oseanu Melanezia iha PNG lao diak.
Primeiru Ministru, Kay Rala Xanana Gusmão hatoo kestaun nee ba jornalista sira, bainhira remata halo enkontru semanal ho prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta (14/06/2026).
Iha biban nee Primeiru Ministru Xanana Gusmão hatoo kongratula ba Prezidente Republika Jose Ramos Horta, tanba partisipa simeira Inaugural Oseanu Melanezia, neebe organiza husi PNG iha APEC Haus ho tema “Asegura Protesaun Oseanu ho Ekonomia Oseanu Sustentavel” lao diak no kapaas.
“Mai hasoru malu ho Prezidente Republika, hau Kongratula Prezidente Republika tanba nia foin fila husi Papua Nova Guine, nia ba enkontru iha Komferensia Simeira Oseanu diak tebes lao kapas tebes,” dehan Primeiru Ministru.
Primeiru Ministru hatete iha enkontru nee Prezidente Republika mos fo hatene ba Primeiru Ministru katak lider balun mos hakarak mai Timor Leste tanba nee Governu sei haree tok no hili tempu diak ruma para Primeiru Ministru Papua Nova Guine, nomos Primeiru Ministru husi Vanuatu, nomos Primeiru Ministru husi Fiji loron ruma karik Novembru sei mai.
“Vanuatu hau la hatene imi hatane kalae? Vanuatu hau ba tiha ona iha neeba kleur ona 2000-2001, Vanuatu rai kiik oan ida ke sempre defende ita nia Direitu ukun aan enkuantu rai seluk nonok hotu neebe ami koalia oituan konaba buat sira nee hotu,” katak PM Xanana.
Alende nee Primeiru Ministru mos Hau imforma ba Prezidente konaba Primeiru Ministru nia viajen ba Brunei nomos simeira iha Filipina.
Foin lalais Prezidente Republika Jose Ramos Horta halo vizita estadu dahuluk Ba Papua Nova Guine hodi hametin relasaun entre nasaun rua nee no loke kapítulu estratejiku ida iha sira-nia relasaun bilateral. Vizita nee koinside ho Simeira Inaugural Oseanu Melanezia, neebe organiza husi PNG iha APEC Haus ho tema Asegura Protesaun Oseanu ho Ekonomia Oseanu Sustentavel.
Nunee mos Prezidente Republika Jose Ramos Horta iha Aeroporto Internasional Nicolau Lobato Komoro hatutan nia konklui ona vizita Estadu ba Papua Nova Guine ohin fila hikasa mai Timor Leste.
“Hau konklui ba vizita estadu ba Papua Nova-Guine partisipa iha konferensia rejional konaba Oseanu neebe rai sira melaneziu lubuk ida mak partisipa. Maske tema nee maun boot primeiru ministru mak kaer ekonomia sul Oseanu maibe tanba primeiru ministru partisipa iha simeira asean entaun hau mak ba no liu-liu rona rai sira neeba nia preokupasaun klean teb-tebes natural tanba sira mak afetadu liu,” dehan Prezidente Republika.
Prezidente Republika hatete, sira nia agrikultura hanesan deit liu-liu mak Fiji ho Papua Nova-Guinne mak agrikultura makas maibe sira seluk rai kiik teb-tebes maibe por enkuantu sira nia moris halo lakon sira nia situasaun estremu pobreza nee ladun tanba mos iha apoiu makas husi australia novazelandia no konferensia nee diak teb-tebes depois bilateral ho primeiru ministru papua Nova-Guinne no seluk-seluk tan.
(eme)
