DILI, STLTIMORLESTE.com – Prezidente Republika (PR), Jose Ramos Horta hatete, Papua Nova Guine (PNG) hakarak loke sira nia sede Embaixada iha Timor Leste (TL) no TL mos sei loke iha PNG.
Prezidente Republika Jose Ramos Horta hatoo kestaun nee ba jornalista bainhira remata vizita estadu ba Papua Nova Guine no fila hikas mai Timor Leste iha Aeroportu Internasional Nicolau Lobato, Komoro, Kinta (14/05/2026).
“Papua Nova-Guinne hakarak loke embaxada ida iha nee se sira loke iha nee ita mos iha obrigasaun loke ida iha neeba, iha ona kooperasaun area saude Timor oan balun ba halo traning medisina iha neeba kleur ona uluk kedas iha Fiji no mos iha Papua Nova-Guinne,” dehan Prezidente Republika.
Prezidente Republika husu ba governu ministeriu de saude para haree oinsa bele aumenta programa sira nee liu-liu mediku sira bele ba neeba manan Esperanca tanba papua nova-guinne independensia ou iha 74-75 no parte balun admira sira nia dezenvolvimentu kapital modern.
Prezidente Republika hatete hatete iha Fiji mos Timor oan mos halo kursu iha neeba medicina eskola Medicina Fiji nee kualidade tinan kotuk nia laran nee Timor Oan Partisipa iha fakuldade medisina Fiji nian.
“Hasoru malu mos ho primeiru ministru Vanuatu konvida nia atu mai no Vanuatu rai ida ke hahu kedas iha sira nia independensia 81 rai ida ke uniku iha pasifiku tomak no apoiu ita makas no hau uluk koinese primeiru ministru fundador pai ba nasaun Fiji nee Referendung Walter Learning apoiu ita makas entaun hau konvida primeiru ministru husi Vanuatu atu mai halo omanjen ba Falecidu matebian primeiru ministru walter learning.” Katak PR Horta.
Xefe Estadu hatutan tan katak, nia mos hasoru malu mos ho primeiru ministru Fiji uluk sira partisipa makas iha nee iha Skiping atual ministru estranjeiru Fiji uluk nia militar skiping iha nee iha Timor.
“Entaun primeiru ministru tolu mak konvida mai sira tinan ida nee sei mai konvina tiha ona ho primeiru ministru Xanana atu sira mai hanesan konvidadu de honra iha fulan novembru tantu ita bele haree primeiru ministru nain tolu husi pasifiku bele mai ita hola parte asean papua nova-guinne mos husu para ita apoiu sira nia vontade hakarak tama asean maibe nee komplikadu uituan tanba estatutu karta asean nian hatete membru ida labele halo parte organizasaun rejional rua nee klaru normal maibe pais barak iha asean mos apoiu sira atu tama tanba sira fronteira ho west papua geografia hanesan deit no balun hatete tanbasa mak lae no se tama karik hau hanoin vantajen ba asean aumenta tan forsa ekonomika demografika asean nian,” katak Horta.
(eme)
