DILI, STLTIMORLESTE.com – Selebra tinan 100 ezistensia Saleziano iha TL, Dom Bosco Komoro realiza kompetisaun dezenhu bá labarik sira.
Kompetisaun nee hodi desenvolve labarik nia kriatividade no abiliade artistiku liu husi dezeno no animasaun.
Tuir Xefe Grupu Pastoral, Cl.Zeca Freitas SDB, hatete, animasaun nee hodi desenvolve labarik sira nian talentu liu husi dezenho, kanta, puizia no seluk tan. Liu husi eventu ida nee bele halibur hamutuk labarik sira iha fatin ida nee hodi kanta, dansa ho talentu neebe sira idak-idak iha.
“Agradese bá inan aman sira neebe kolabora ona hodi lori no akompana ona oan sirai hodi mai hola parte iha kompetisaun nee. Kompetisaun nee hodi halibur labarik sira neebe iha talentu, mai hamutuk iha nee hodi kanta, halo puizia ho talentu neebe sira idak-idak iha hodi mai hamutuk iha nee. Agradese mos bá animadora sira neebe durante nee kolabora ho frater sira husi Dom Bosco hodi realiza kompetisaun nee,” dehan nia iha ambitu kompetisaun dezenho bá labarik iha salaun Gym Dom Bosco Komoro, Domingo (17/05/2026).
Nia hatutan, liu husi kompetisaun labarik sira bele hatudu no desenvolve sira nia talentu ho diak.
Nunee mos observador bá Kompetisaun, Cl. Leonito dehan, agradese ba inan aman sira, bele lori oan sira mai hatudu oan sira mai hatudu oan sira nia talentu.
“Lori oan sira mai laos ho objetivu prinsipal atu hetan juara, maibe lori sira mai hodi desenvolve sira nia aan ho talentu neebe sira iha,” tenik nia.
Nia haktuir, dezenhu neebe komisaun prepara mak imajen neebe seidauk tau kores, labarik sira mak tau rasik kores tuir sira nia hakarak.
Iha kompetisaun nee fahe bá grupu A ho B, neebe grupu A ho idade tinan 4 too 6, no grupu B tinan 7 too 11. Manan nain husi grupu A mak hanesan terseiru lugar Tavia Magno, segundu Venizia Lakuna de Jesus no primeiru lugar Amensia.
Manan nain sira nee simu sertifikadu, medalhia no binkisan, entertantu ba sira neebe la hetan juara simu mos sertifikadu kompetisaun husi Dom Bosco CPN Komoro.
(dom)
