ZUMALAI, STLTIMORLESTE.com – Tinan nee Servisu Eduksaun Munisípiu Likisa hatama ona pedidu ba iha Ministériu Edukasaun (ME), husu aumenta fasilidade meza, kadeira no sala de aula ba eskola neebe lokaliza iha Munisípiu Likisa.
Lia hirak nee hatoo husi Julio da Silva hanesan Diretor Servisu Edukasaun Munisípiu Likisa ba STL liu husi telefone, Tersa nee (19/05/2026).
“Konaba fasilidade eskola nian nee ita nian governu liu husi Ministériu Edukasaun durante nee sempre ajuda ita nian eskola sira liu husi orsamentu konsesaun eskolar, hau fiar katak buat kiik oan sira nee ita bele halo hela. Kona-ba edifisiu sala de aula no fasilidade meza no kadeira nee ita nian ministériu mak tenke halo,” tenik nia.
Nia hatutan, pedidu husu apoiu aumenta fasilidade no sala de aula ba eskola sira nee, pedidu hatama tiha ona ba ME Nasional, atu nunee bele rezolve ba eskola hirak neebe mak too agora sei menus sala no fasilidade, nunee bele fasilita estudantes sira iha prosesu ensinu aprendizajen iha eskola ida-idak.
(jac)
