DILI, STLTIMORLESTE.com – Servisu Nasional ba Ambulansia no Emerjensia Medika (SNAEM,I.P) monta ona tenda sokorru iha Tasi-Tolu, hodi prepara fo asistensia ba Membru Governu no povu Timor Leste neebe sei komemora loron restaurasaun independensia Timor Leste ba dala 24.
Liu husi pajina offisial SNAEM neebe STL asesu Tersa nee (19/05/2026) hatete, ekipa neebe tun direta nee dirije husi Diretora Jeral Interina SNAEM,IP, Sezaltina Araújo Mendonca, Diretora Nasional Operasaun (DNO), Custodia Benevides Florindo, Xefe Departamentu Servisu Emerjensia Medika Dili, Martinho da Conceção Alves Correia, Xefe Departamentu Servisu Ambulansia (DSA), Raimundo Pinheiro Magno, Xefe Departamentu Emerjensia Medika (DEM), Mariano Rodrigues Sarmento ho Ofisial Tekniku sira.
Entretantu tuir observasaun husi diariu nee nian, aleinde preparasaun husi ekipa SNAEM nian, ekipa husi parte MAE nian mos halo preparasaun bá serimonia refere.
(dom)
