DILI, STLTIMORLESTE.com – Komisaun rekrutamentu Juiz ba Supremu Tribunal Justisa (STJ) hahu haknaar aan iha edifisiu provizoriu STJ iha Mandarin.
Tuir Prezidente Tribunal Rekursu, Afonso Carmona katak, agora nia prosesu edifisiu provizoriu Supremu Tribunal Justisa nee bele dehan 95%, hein 21 Maiu agora Prezidente Republika sei mai vizita iha nee atu haree.
“Agora Komisaun Rekrutamentu halao servisu iha nee, sira nia fatin iha leten (andar leten). Sira komesa halo servisu iha nee,” dehan ⅘ Carmona ba jornalista sira iha edifisiu provizoriu Supremu Tribunal Justisa Kolmera, Tersa (19/05/2026).
Nia hatutan, edifisiu nee sei la halo inagurasaun, tanba uza deit edifisiu Tribunal Dili tuan hodi instala Supremu Tribunal Justisa, tanba nee laiha inaugurasaun.
Nia esplika, fahe deit Tribunal Rekursu mai fali nee Supremu Tribunal Justisa, tanba laiha inaugurasaun, ita so fo poder ba Juiz sira nebe atu tuur iha Supremu Tribunal mak sei halo iha nee.
Akresenta tan, agora daudaun Komisaun Rekrutamentu ba Juiz Supremu Tribunal halo hela servisu hodi halo rekrutamentu Juiz sira, tanba nee komisaun rekrutamentu neebe lideradu husi Komisariu Avelino Coelho esforsu hodi iha tinan nee bele halo rekrutamentu ba Juiz sira neebe mak sei halo knar Supremu Tribunal Justisa.
Afirma tan, iha loron 21 Prezidente Repúblika José Ramos Horta sei vizita ba edifisiu nee katak, Supremu Tribunal Justisa nee bele lao ona ga seidauk, so PR mak bele haree katak, buat nee bele lao ona ga lae.
Iha fatin ketak, Akademiku UNTL, Rafael de Jesus dehan, importante duni estabelese ona STJ.
“Hanoin importante duni estabelese STJ, atu nunee bele lori justisa iha Timor lao ba oin,” dehan nia.
Hatutan tan, durante nee publiku sira kestiona konaba STJ, tanba nee tempu to ona atu hari STJ, hodi tesi lia konaba prosesu sira neebe parte sira la konkorda.
(ter)
