DILI, STLTIMORLESTE.com – Polisia Nasional Timor Leste (PNTL) fo segurasan masimu ba komemorasaun ba loron restaurasaun independensia ba dala 24 nee lao diak tebes.
Nia dehan, bazeia ba planu segurasa husi Komando PNTL Munisipiu Dili neebe mak fo asistensia segurasa ba iha komemorasaun ba loron restaurasaun independensia ba dala-24 iha Tasi-Tolu lao diak tebes.
“Ita involve membru polisia sira ba planu segurasa ba komemorasaun ba loron restaurasaun independensia ba dala-24 iha Tasi-Tolu lao diak tebes,” hatete Komandante Polísia Nasional Timor Leste (PNTL) liu husi Komandante PNTL Munisípiu Dili, Komisáriu Asistente Polísia, Orlando Gomes ba jornalista sira iha ambitu komemorasaun ba loron restaurasaun independensia ba dala-24 iha Tasi-Tolu, Kuarta (20/05/2026).
Nia esplika, seguransa ba komemorasaun loron restaurasaun independensia apoiu husi Unidade Espesial Polisia (UEP) no Unidade Polisia Maritima (UPM) Tranzitu Dili, nomos hamutuk ho FALINTIL – Forsa Defeza Timor Leste (F-FDTL).
“Ita asegura ita nia serimonia ba loron ohin lao diak tebe-tebes, maske ohin iha infrafamentu oituan, maibe ita normaliza fila-fali para movimentu nee lao diak, situasaun segurasa dezde hodi kalan too mai komemorasaun loron importante ida situasaun lao diak, tanba apoiu mos ita nia joven nomos komunidade neebe barak teb-tebes iha fatin ida nee, sira kontribui no apoiu hamutuk ho polisia, ita garantia situasaun segurasa iha serimonia ida nee lao diak no ho susesu,” nia informa.
Iha fatin hanesan, Joven Gilberto dos Santos deklara, situasaun iha ambitu ba loron restaurasaun independensia ba dala-24 iha Tasi-Tolu lao diak teb-tebes, tanba hetan segurasa husi PNTL ho F-FDTL.
“Primeiru, parabens ba rai Timor Leste, no ohin ita selebra loron restaurasaun independensia ba dala 24, no ita haree situasaun lao hakmatek tanba segurasa masimu husi ita nia PNTL ho F-FDTL,” nia afirma.
(jen)
