DILI, STLTIMORLESTE.com – Asegura kualidade prestasaun ekipa iha terenu, kada Pesoal Saude (PS) tenke iha konhesimentu neebe diak ba utilizasaun ekipamentus mediku.
Servisu Nasional ba Ambulansia no Emerjensia Medika liu husi Diresaun Nasional Operasaun (DNO), Departamentu Servisu Ambulansia, Kinta nee (28/05/2026) realiza treinamentu Utilizasaun Ekipamentu Medikus, ba Mediku, Enfermeiru, no Parteira husi Servisu Emerjénsia Médika (SEMM) RAEOA.
Liu husi pajina SNAEM neebe diariu nee sita katak, atividade ida nee hanesan prioridade importante ida atu implementa regularmente iha servisu Operasional Ambulansia SNAEM, I.P. hodi asegura ba kualidade prestasaun ekipa iha tereno mak kada pesoal tenke iha koñesementu neebe diak ba utilizasaun Ekipamentus Mediku.
Objetivu husi treinamentu ida nee oinsa ekipa sira bele konese liu tan modelu/ spesifikasaun foun husi ekipamentus sira no oinsa nia utilizasaun iha jestaun kliniku, nunee bele fornese atendementu ba pasiente ho kualidade neebe diak. Prioridade importante ida mak armajenamentu ba ekipamentus mediku sira, nunee bele asegura ba sustentabilidade iha nia utilizasaun ba tempu naruk.
Treinamentu ba etapa daruak nee fasilita husi Xefe Departamentu Servisu Ambulansia, Raimundo Pinheiro Magno no Responsavel Ekipamentus Mediku Januario de Carvalho. Seksaun aprendijazen fahe ba teoria nomos pratika. Aktividade ida nee hetan apresiasaun no partisipasaun masimu husi Xefe Departamentu SEM RAEOA, Fernando Caet ho ekipa tomak.
(dom)
