DILI, STLTIMORLESTE.com – Kada loron inspetores sira halo monitoring ba eskola sira no kada inspetor ida kobre eskola rua.
Asuntu nee hatoo husi Superintendente Edukasaun Munisípiu Dili, Cesarina C. Guterres ba STL iha nia knaar fatin, Kinta nee (28/05/2026).
“Relasiona servisu monitorizasaun husi ita nia inspetor ou inspetora eskolar sira iha Dili laran lao tuir duni tipu inspesaun tolu neebe iha mak hanesan tipu inspesaun rutina, preventiva no investigativa. Inspesaun rutina mak loro-loron ita nia inspetor/a sira tun ba eskola sira hahu husi Segunda too iha Sabadu. Tipu prevensaun ami mos lao nee mak liu husi enkontru sira, karik servisu ruma iha eskola sira la dun lao diak,” nia dehan.
Nia dehan, inspetor no inspetora sira hetan area kontrolu masimu 22 no minimu 18 eskolas. Monitoring eskola kada inspetor no inspetora loron 1 vizita eskola 2, tanba kada eskola inspetor no inspetora tenki hamutuk ho eskola oras 4 nia laran, nee duni inspetor sira halao sira nian knaar lao ho diak tebes.
Iha fatin seluk, Diretor Servisu Edukasaun Munisípiu Likisa, Julio da Silva dehan, inspetor eskolar sira monitoring ba atividades hotu neebe mak lao iha eskola ida-idak, inspetor sira kobre ba eskola, tanba iha inspetor ba nivel pre eskolar, ensinu baziku, sekundariu no tekniku vokasional.
“Hau hanoin ita nian ispetor eskolar sira monitoring ba atividades hotu neebe mak lao iha eskola ida-idak, inspetor sira kobre ba eskola, tanba iha inspetor ba nivel pre eskolar, ensinu baziku, sekundariu no tekniku vokasional,” katak nia.
Nunee mos Diretor EBC Manleuana, Carlos Correia dehan, inspetor eskolar sira mai monitoring iha sira nian eskola hodi haree direita implementasaun programa merenda eskolar no atividades prosesu ensinu aprendizajen.
“Ita nian inspetor eskolar sira mai monitoring iha sira nian eskola, hodi haree direita implementasaun programa merenda eskolar no atividades prosesu ensinu aprendizajen neebe lao iha eskola,” tenik nia.
(jac)
