DILI, STLTIMORLESTE.com – Autoridade Aduaneira rekruta funsionariu foun hamutuk nain 80, hodi reforsa servisu iha instituisaun.
Lia hirak nee hatoo husi Komisariu Autoridade Aduaneira, Joanico Pinto ba jornalista sira iha MNEK, Tersa (16/6/2026).
“Ami dezde uluk kedas ema la too, no laos halo diskrimina maibe ami Alfandega nee barak liu laos idade produtivu ona, tanba nee ami husu Ministeriu Finansas tenke halo rekrutamentu foun para priense numeru sira iha terenu, mezmu numeru menus servisu kontinua halo,” dehan nian.
Nia dehan, maske dezafiu iha maibe laos uza dezafiu dezamina labele halo o nia funsaun, tanba nee rekrutamentu lao hela, espera tinan bele konklui.
“Para bele hetan foin sae Timor oan kompotente bele tama mai iha Autoridade Aduaneira hahu aprende bele servi ita nia nasaun nee diak liu ba futuru,” dehan nia.
Rekrutamentu ba funsionariu foun hamutuk nain 80 iha tinan nee, tuir aprovasaun orsamentu halo tinan kotuk ba, maibe ema nain 80 mos laos sufisiente.
Tanba iha Alfandega presiza bele hatene atu
evita konflitu de interese, tan nee se halo inspesaun nee ema ketak no halo verifikasaun nee ema ketak, kuandu verifika no inspesaun mak ida deit ema sogok nia ita lakon, tanba nee tenke ema ketak-ketak para chek and balance iha.
Total funsionariu Autoridade Aduaneira hamutuk 252, maibe balun reforma ona iha tinan nee no balun reforma total 10, maibe tinan nee kala ema nain 4 ou 5 tan, tanba situasaun mak nunee.
(joa)
