DILI, STLTIMORLESTE.com – Prezidente Republika (PR), Jose Ramos Horta hasoru malu ho Mark Argar, Diretor-Jerente Ezekutivu husi Manatuto Renewables Power S.A, hodi diskute hamutuk konaba preparasaun final ba Sentral Solar Manatuto.
Prezidente Republika, Jose Ramos Horta hasoru malu ho Diretor Jerente Ezekutivu husi Manatuto halao iha Palasiu Prezidensial Nicolau Lobato, Bairo Pite, Segunda (13/07/2026) hodi diskute preparasaun final ba Sentral Solar Manatuto.
Iha sorumutuk nee, Mark Argar informa katak depois dezenvolvimentu durante tinan tolu, projetu nee prontu ona atu hahu konstrusaun iha fulan agostu tinan nee, ho meta atu remata iha fulan junu 2028.
“Halo enkontru ho Prezidente Republika mai deskute hamutuk konaba projetu neebe sei halao iha manatutu konaba sentral solar Manatutu neebe sei kontrusaun hahu iha Fulan Agosto,” katak Marka.
Iha biban nee Prezidente Republika Jose Ramos Horta hatoo bemvindo ba Diretor Jerente Ezekutivu husi Manatuto Renewables Power S.A., neebe mai iha Palasiu Prezidensial hodi deskute hamutuk konaba kontrusaun sentral solar Panel neebe sei halao iha Manatutu.
Iha hasoru malu nee Prezidente Republika Jose Ramos Horta simu informasaun katak serimonia lansamentu fatuk dahuluk (groundbreaking) sei halao iha tempu badak hodi marka inísiu husi investimentu signifikativu nee iha infraestrutura matak nasaun nian.
Prezidente Ramos Horta reafirma hikas ninia apoiu tomak ba projetu nee, hodi sublina ninia knaar krítiku atu hatun kusta enerjia ba sidadaun sira no kria oportunidade servisu neebe presiza tebes iha rejiaun Manatuto.
Nia mos sublina importansia husi independensia enerjetika, Prezidente Ramos-Horta espresa ninia intensaun atu partisipa pesoalmente iha serimonia lansamentu fatuk dahuluk neebe sei mai.
Inisiativa nee refleta kompromisu kontinua husi Prezidensia hodi promove dezenvolvimentu sustentavel no moderniza sektor enerjia Timor-Leste nian ba benefísiu jerasaun foun sira.
(eme)
