ZUMALAI, STLTIMORLESTE.com – Sarani barak lori aifunan no lilin ba tau iha rate família matebian sira nian iha Semitériu Públiku Maliseran no Semitériu Públiku Matabola, hodi selebra Loron Finadu, Segunda-feira, 2 Novembru 2026.
Asuntu ne’e hato’o husi Rosalina Mendes, hanesan sarani, ba STL iha Semitériu Públiku Maliseran, Segunda-feira (02/11/2026).
“Ohin família matebian ida-idak lori aifunan no lilin atu tau iha rate iha Semitériu Maliseran, tanba loron 2 Novembru ne’e hanesan Loron Finadu, loron espesiál ba ita-nia matebian sira ne’ebé husik ona mundu ne’e. Tanba ne’e, ohin ita hotu selebra sira-nia loron espesiál,” nia dehan.
Rosalina esplika katak, selebrasaun Loron Finadu ne’e realiza tinan-tinan dala ida, hodi hanoin no fó omenajen ba família matebian sira ne’ebé mate ona no la hamutuk ho família iha mundu ne’e.
Tanba ne’e, família sira lori aifunan no lilin atu tau no sunu iha rate matebian sira nian, nu’udar forma ida atu hatudu sira-nia domin, saudade no lembransa ba ema ne’ebé mate ona.
Bazeia ba observasaun STL iha terenu, Segunda-feira (02/11/2026), maski loron manas, sarani sira kontinua lori aifunan no lilin ba iha semitériu públiku. Situasaun iha semitériu sira mosu hakmatek durante selebrasaun Loron Finadu.
(jac)
